Payo ni Bb. Pilipinas Hannah Arnold kay Nicole Borromeo: ‘Practice your hair’

Bb. Pilipinas Hannah Arnold/ARMIN P. ADINA

NASUNGKIT ni Hannah Arnold ang korona niya bilang Binibining Pilipinas noon pang Hunyo 2021. Kaya mahigit isang taon ang naging paghahanda niya para sa ika-60 Miss International pageant. Gayunpaman, may isang bagay pa rin siyang hindi napaghandaan, aniya.

“I didn’t expect all the bloggers to be so updated every day, that was a new thing for me. I was like wow, they see everything,” sinabi niya sa Inquirer pagkatapos ng pagtatanghal ng pandaigdigang patimpalak sa Tokyo Dome City Hall sa Tokyo, Japan, noong Dis. 13. Nagtapos siya sa Top 15.

Sinabi ng 26-taong-gulang na Australian-Filipino forensic scientist at modelo mula Masbate na kahit para sa kaliit-liitang bagay nakatanggap siya ng komento mula sa mga tagasubaybay online.

Ayon kay Arnold, pinayuhan na siya ng lahat na huwag sumilip sa social media habang nasa Japan. “I said ‘no, it’s fine.’ But it can get to you. Sometimes it did get to me. I was like, ‘oh they don’t like my hair today? Okay,’” inamin niya.

Dahil dito, ito na rin ang payong ibabahagi niya sa tagapagmana, at pabiro pang nagbahagi ng isang karagdagang paalala: “So Nicole [Borromeo], practice your hair.”

Bb. Pilipinas Hannah Arnold/ARMIN P. ADINA

Minana ni Borromeo ang titulong Bb. Pilipinas International nitong Hulyo, kahit hindi pa nakalalaban si Arnold sa Miss International pageant. Kaya naman sinabi ng naunang reyna na nagpapasalamat siya sa national pageant organization para sa tiwala.

“Binibini believed in me enough to allow me to compete here today. They could have told me ‘you’re reign is over.’ They could’ve told me ‘you’re gonna crown someone and she would compete.’ But the fact that they believed in me, that was the most outstanding thing for me. When they told me that, my heart got so happy that they believed in me,” ibinahagi ni Arnold.

“I’ve been a big fan of Miss International for years. So everything that happened, I saw in the past. And I’m so grateful I got to be the girl to do all of those activities,” pagpapatuloy pa niya.

At maliban sa pag-iwas sa social media, isa pang payo ang ibinahagi niya para kay Borromeo: “Just enjoy. All the girls will be so excited to see you, so just enjoy.”

Nagpasalamat din siya para sa “Hannabees” niya, o masusugid na mga tagasuporta, “who stayed with me for so long, since my first Binibini. That’s really amazing.”

May mensahe rin si Arnold para sa pageant followers na babad online: “Thank you. Even if it’s [a] negative [comment] it means you cared about my journey. There were constructive things also, a lot of positive. I’m just grateful for everyone.”

Si Jasmin Selberg ng Germany ang hinirang na Miss International. Sa ika-61 edisyon ng pandaigdigang patimpalak lalaban si Borromeo bilang kinatawan ng Pilipinas.