#Panliligaw101 tips ni Juancho Trivino: Be brave, kahit mukha na kayong…alam n’yo na, para ma-feel niya na special siya
Juancho Trivino at Joyce Pring
GUYS, nahihirapan ba kayong mapasagot ang mga nililigawan n’yo? Matagal-tagal n’yo na ba silang sinusuyo pero waley pa ring nangyayari?
Oh well, may ilang helpful tips ang Kapuso actor at celebrity dad na si Juancho Triviño para sa lahat ng mga nanliligaw diyan para kahit paano’y mapansin kayo ng mga pinopormahan n’yo.
Sa pamamagitan ng ilang throwback videos, ibinahagi ni Juancho kung paano siya nag-effort sa panliligaw sa kanyang wifey na si Joyce Pring.
Gamit ang #Panliligaw101, ipinost ng Kapuso star ang ilang video clips sa TikTok at dito nga mapapanood ang ilang eksena nang panunuyo niya sa dati niyang girlfriend na asawa na nga niya ngayon.
View this post on Instagram
Makikita sa isang video si Juancho na personal na bumisita kay Joyce habang nasa trabaho ito. Binati niya ang TV host sabay halik sa pisngi nito.
“Siyempre, medyo busy kami ni Joyce palagi, hindi kami madalas magkasama, edi puntahan natin siya sa work kahit no sleep, just to say hi and good morning!” sabi ng “Maria Clara at Ibarra” star.
Payo pa ng aktor, kailangan daw tuluy-tuloy pa rin ang panliligaw kahit na sinagot at magdyowa na kayo para mas ma-in love pa raw kayo sa isa’t isa.
Sa isa namang video, makikita si Juancho sa airport na may dalang DIY (do-it-yourself) “welcome home” placard para sa pag-uwi ni Joyce sa Pilipinas mula sa ibang bansa.
“Si Joyce galing sa nakakapagod na work trip abroad then eto na dumating siya sa Pilipinas ng 2 am, she insisted on taking a cab home pero I said, nope. Superman is here,” sabi ni Juancho.
Pagpapatuloy pa niya, “This is my tip for today, Be brave, kahit mukha na kayong, alam n’yo na, lakasan n’yo loob n’yo into making her feel special. Siyempre bonus na din ‘yung mapapatawa mo siya.”
Ani Juancho, feeling embarrassed daw talaga siya nu’ng mga oras na yun dahil ang daming tao sa airport. Pero worth it naman daw ang effort niya dahil sobrang na-appreciate ito ni Joyce.
“Natuwa din naman siya sa ginawa kong welcome home sign na gawa sa Manila paper, tape at pentelpen. Basta, always make sure they get home safely, ok boys?” sabi pa ni Juancho.
Napapanood pa rin gabi-gabi si Juancho sa Kapuso primetime series na “Maria Clara at Ibarra” bilang si Padre Salvi. Ito’y pinagbibidahan nina Barbie Forteza, Julie Anne San Jose at Dennis Trillo.
Juancho, Joyce handang-handa nang maging mommy ay daddy; Bong feeling baguhan sa pag-arte
Babala ni Joyce noon kay Juancho: Wag mo na akong ligawan kung wala kang balak magpakasal
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.