Hirit ni Xian Gaza sa pasabog na Holloween costume ni Barbie: ‘Nakakatakot naman…baka ma-fall ako sa ‘yo’
Barbie Imperial at Zian Gaza
BENTANG-BENTA sa mga netizens ang palitan ng hugot line ng Kapamilya actress na si Barbie Imperial at ng online personality na si Xian Gaza sa social media.
Nagsimula ito nang magkomento si Xian sa ipinost na litrato ni Barbie sa Instagram kung saan naka-sexy costume siya bilang “Bride” ni Chucky.
Ito ang napiling costume ni Barbie para sa dinaluhang event kahapon. Nilagyan niya ito ng caption na, “Bride of Chucky for tonight’s halloween party.”
Nagkomento nga rito si Xian Gaza at ni-repost pa sa kanyang Facebook account ang pasabog na Holloween costume ni Barbie.
Hirit niya sa caption, “Halloween costume mo yan?”
“Nakakatakot naman… baka ma-fall ako sa yo,” dugtong pa ng kontrobersyal na negosyante.
View this post on Instagram
Kasunod nito, ipinost ni Xian ang sagot ni Barbie sa kanya. Makikita sa verified Facebook account ng dalaga ang reply niyang, “Go lang, saluhin kita.”
Hirit naman ni Xian, “Nako naloko na!”
Kamakailan ay inamin ni Barbie na dyowa material naman para sa kanya si Xian Gaza. Ito’y kung hindi siya aawayin ng socmed influencer.
Aniya pa, kailangan lang daw patunayan ng binata ang kanyang sarili na karapat-dapat siyang maging partner. Hinamon din niya si Xian na padalhan siya ng private message.
“Hay, Xian Gaza, na-jojowain totropahin challenge ko na ito before at sinabi ko talaga na di ko siya jojowain.
“Ang sagot ko, no thank you. Pero ang akin naman, Xian palagi mo kasi akong inaaway. As in, kahit sinong madikit sa aking guys, kahit kaibigan ko lang talaga, ay iniisyu talaga sa akin.
“Tas ang ini-explain niya pa ‘the more you hate the more you love’ so ganyan po magmahal si Xian Gaza mga ka-Bie.
“And siguro, if hindi niya ako inaaway palagi bilang ma-effort itong si Xian grabe nagpapa-billboard nga ito eh.
“Nasa ibang bansa nga bumili ng flowers ibibigay niya daw sa akin pero siyempre hurting pa rin ako sa lahat ng ginawa mo sa akin.
“But kung hindi mo ako inaaway palagi, puwede kitang jowain. Pero for now, kailangan mo pang i-prove ang sarili mo. So pwede tayong maging tropa. PM ka lang sa akin,” litanya ni Barbie.
Xian Gaza nag-sorry sa mga socmed followers: Naging sobrang toxic ako…promise babawi po ako…
Xian Gaza nag-sorry kay Barbie Imperial: Nawa’y mapatawad mo ako
Ogie Diaz kay Xian Gaza: Tigilan mo na ang pagiging Marites!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.