Inigo Pascual ibinandera ang pagiging Pinoy, may revelation ukol sa karakter sa ‘Monarch’

PHOTO: Instagram/@inigopascual

MULING ibinida ng aktor na si Inigo Pascual ang kanyang American series na kasalukuyang ipinapalabas sa Amerika.

Si Inigo ang isa sa main cast ng musical drama series na “Monarch.”

Ginagampanan niya riyan ang role ng isang 18-year-old boy na si Ace Greyson na nangangarap na maging country star.

Sa isang Facebook post ng Monarch Fox ay muli pinasilip ng aktor ang kanyang papel sa serye at sinabing “excited” na siya sa mga susunod na mangyayari sa palabas.

Sey niya sa video, “There’s so many twists on Monarch who was being buried. This is gonna blow your mind…I’m excited for you guys to see the twist.”

Ibinunyag din niya na isa ring Pilipino ang kanyang karakter sa American show.

Chika niya, “Ace Grayson is the grandson of Dottie Roman, a filipino-based actor landed one of the lead roles on an american show, so this is really big for us.

“Carrying the Philippines with me, I’m pretty nervous.”

Dagdag pa ni Inigo, “I’m super excited to portray Ace and to dig in deeper to what I can do as a country singer.

“I hope Ace is the next Roman superstar.”

Todo cheer naman ang pinoy fans sa pinost na video ni Inigo at narito ang ilan sa mga nabasa naming komento.

“Galing naman ni Inigo (clapping hands emoji)”

“Omg cant wait. SO Proud of you Inigo Pascual!”

“Wwwooooaaaahhhh!!! (heart emoji) Go Iñigo!”

Nauna nang naikwento ni Inigo sa isang media interview na bukod sa pagkanta ay pinag-aaralan din niya ang klase ng “accent” na required sa series.

Sinabi pa nga niya na kahit siya raw ay hindi makapaniwala sa nakuha niyang international project.

Read more:

Inigo Pascual wish makasama sa Marvel movies; nangakong hinding-hindi lolobo ang ulo

Piolo posibleng mapasama sa Hollywood project ni Inigo: Let’s cross the bridge when we get there

Inigo Pascual nanibago nang mag-shoot ng ‘Monarch’: May sarili akong trailer!