Pia Wurtzbach pinakalma ang TikTok fans ni Joshua Garcia: ‘Wag na kayong magalit, aware naman ako sa pila!
Joshua Garcia at Pia Wurtzbach
“PINATULAN” ni Miss Universe 2015 Pia Wurtzbach ang mga fans and supporters ni Joshua Garcia matapos siyang talakan ng mga ito kamakailan.
Hindi rin kasi pinalampas ng mga adik na adik sa TikTok entries ng Kapamilya aktor ang pagkokomento ng dating beauty queen sa isang viral video ng binata.
In fairness, talagang milyun-milyong views at comments ang nakuha ng isang video na ipinost ni Joshua sa TikTok kung saan makikita siyang sumasayaw ng “SPIN BACK!” ni Scottie Wop.
At isa nga sa mga hindi nakapagpigip mag-post ng comment dito ni ay si Pia na nagsabing, “Nag open ako ulit ng tiktok para lang dito,” na may kasama pang mga emojis.
At dahil nga dito, sinita ng mga TikTok followers ni Joshua si Pia tulad ng ginagawa nila sa iba pang celebrities na nagkokomento sa mga ipino-post na video ng aktor.
View this post on Instagram
Ilan sa mga comments laban kay Pia ay “Walang miss u miss u dito…sa likod ka” at “Hoy Ms Pia pumila ka. Walang singitan. Ano porke Ms U?”
Kasunod nito, nag-post naman si Pia sa Twitter kahapon at nagpaliwanag sa fans ni Joshua. Aniya, “Curious lang naman ako. Wag na kayo magalit. Aware naman ako sa pila. Hahahaha!”
Bukod kay Pia, biro-biro ring sinita ng mga TikTok followers ni Joshua ang international star na si Nicki Minaj na nagkomento rin sa isang video ng aktor.
Talagang si Joshua na nga ang maituturing na TikTok heartthrob dahil sa kanyang milyun-milyung followers. Pero mukhang tapos na nga ang pila dahil may nananalo na raw sa puso ng aktor, ang nali-link ngayon sa kanya na si Bella Racelis.
Napapanood ang binata sa ABS-CBN action-fantasy series na “Mars Ravelo’s Darna” kasama sina Jane de Leon at Janella Salvador.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.