Trans queen nagbunyi sa ‘inclusivity’ memo ng DepEd | Bandera

Trans queen nagbunyi sa ‘inclusivity’ memo ng DepEd

Armin P. Adina |September 07,2022
facebook
share this

Trans queen nagbunyi sa ‘inclusivity’ memo ng DepEd

Armin P. Adina - September 07, 2022 - 03:37 PM

2021 Miss International Queen Philippines Patricia Payumo

2021 Miss International Queen Philippines Patricia Payumo/ARMIN P. ADINA

NAKATIKIM ng tagumpay ang LGBTQIA plus (lesbian, gay, bisexual, transgender, queer, intersex, asexual plus) community sa Pilipinas sa isang lipunang halos lahat sumusunod sa mga kalakarang heteronormative.

Ito’y matapos ngang maglabas ang Department of Education (DepEd) ng isang memorandum na nag-aatas sa mga pampublikong paaralan na mahigpit na ipatupad ang isang nauna nang utos na nagsusulong ng gender inclusivity.

Ibinahagi ng aktibista at 2020 Miss Trans Global Mela Habijan ang magandang balita sa social media, iniulat ang impormasyong inuulit ng DepEd, sa isang memorandum na nilagdaan nina Undersecretary Revsee Escobedo at Assistant Sec. Panchet Bringas, ang “strict implementation of and compliance to [Department Order] 32 [of 2017], especially in consideration of the upcoming opening of school year 2022-2023 and the gradual return of learners to in-person classes.”

Nakiisa rin ang kaibigan at kapwa beauty queen ni Habijan, si 2021 Miss International Queen Philippines Patricia Payumo, sa pagbubunyi ng pamayanan sa pagpapatupad ng ahensya sa utos nitong “Gender-Responsive Basic Education” sa mga pampublikong paaralan sa buong bansa.

“I am very happy and glad that DepEd acknowledges and supports people in our community to express themselves and how they identify themselves as,” sinabi ni Payumo sa Inquirer sa isang panayam sa pagbubukas ng The Pretty You Prime sa Mandaluyong City noong Set. 6.

Naniniwala umano siyang mahihikayat ng hakbang na ito ang mga nakababatang kasapi ng pamayanang LGBTQIA plus sa bansa na mag-aral at matuto sapagkat pinahihintulutan na ang pagpapakita nila ng mga tunay nilang sarili.

“I think it’s very important because when someone feels welcomed and understood, I think everything else goes hand-in-hand and freely,” pagpapatuloy pa ng reyna.

Para kay Payumo, makabubuti sa mga batang LGBTQIA plus ang maramdamang tanggap sila sa isang pampulikong kapaligiran. “When someone feels welcome, I think they are more able to be more creative and flourish as an individual,” pinaliwanag niya.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending