Lovi Poe hindi lalayasan ang showbiz career sa Pinas kahit magkaroon na ng asawa’t anak
Lovi Poe at Monty Blencowe
FEELING ng Kapamilya actress at singer na si Lovi Poe, hindi naman siya pagbabawalan o patitigilin ng kanyang boyfriend na si Monty Blencowe sa pag-aartista kahit na magpakasal na sila.
Ayon sa leading lady ni Piolo Pascual sa suspense-drama series na “Flower Of Evil”, naniniwala siya na never siyang pakikialaman o didiktahan ng kanyang dyowa pagdating sa kanyang showbiz career.
Sa mediacon ng iWantTFC digital series na “Sleep With Me,” na pinagbibidahan nina Lovi at Janine Gutierrez, natanong ang una kung papayag ba siya sakaling patigilin siya ni Monty sa pag-arte.
“That’s a hard question, kasi parang all my life, career ko talaga ‘yung (priority). Parang, I think I would want to be with someone who will still push me and let me do my career and let me be myself,” paliwanag ni Lovi.
View this post on Instagram
Aniya pa, si Monty daw ang klase ng boyfriend na 100% ang support sa kanyang partner pagdating sa usaping career.
“I think anyone would be lucky too if it was him. He’s very supportive sa career ko at ‘yun ang kailangan ko or anyone.
“Du’n ako naniniwala, if anyone wants to uplift you or pushes you to pursue your dreams, I always think that I am with that someone,” chika pa ni Lovi.
Samantala, sa kabila nga ng long distance relationship set-up, napapanatili pa rin nila ang solid foundation ng kanilang relasyon.
“Right now, I’d like to say we’re very happy, we’re both career-oriented, that’s why we push each other to do sa careers namin and also our personal lives.
“It’s hard to say, of course, we’ve been together for years na, so let’s say it’s pretty serious,” lahad ng dalaga.
Kamakailan, ni-launch na rin ni Lovi ang sariling production company na C’est Lovi Productions na matagal na raw niyang pangarap para maipagpatuloy ang legacy ng yumaong amang si Action King Fernando Poe, Jr..
Kung hindi kami nagkakamali, partner din ni Lovi si Monty sa nasabing production company.
https://bandera.inquirer.net/288944/lovi-sa-tanong-kung-si-monty-blencowe-na-ang-the-one-well-you-know-ang-hirap-sabihin-but-i-hope
https://bandera.inquirer.net/316920/bakit-maluha-luha-si-denise-laurel-habang-pinupuri-si-lovi-poe-sa-presscon-ng-flower-of-evil
https://bandera.inquirer.net/314169/lovi-poe-biglang-na-conscious-kay-piolo-bakit-kaya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.