Sekyu na nasawi sa Ateneo campus shooting tunay na bayani: ‘He deserves to be named and recognized’
Jeneven Bandiala
ISANG tunay na bayani ang pagturing ngayon ng lahat ng nakakakilala sa security guard na nasawi sa naganap na pamamaril sa loob ng Ateneo de Manila University campus sa Quezon City kamakalawa.
Bukod sa dating mayor ng Lamitan sa Basilan na si Rosita Furigay at sa executive assistant nitong si Victor Capistrano, tinamaan din ng bala ang security guard ng ADMU na si Jeneven Bandiala.
Talagang ibinuwis ni Jeneven ang kanyang buhay para protektahan ang mga taong nasa loob ng campus nang magpaulan ng bala ang suspek na si Dr. Chao Tiao Yumul.
Para sa mga estudyante, mga guro at iba pang empleyado sa ADMU, isang tunay na bayani si Jeneven Bandiala at dapat lang na malaman ng lahat kung sino siya at hindi lang siya basta guwardiya.
Maraming nag-like at nagkomento sa isang Facebook post ng isang nagngangalang Jhei Shiee na talagang ibinandera ang katapangan at kabayanihan ng nasawing guwardiya.
“Hindi lang siya isang security guard sa Ateneo. Tao siya…may pangalan siya. He deserves to be named and recognized.
“He did beyond what he was supposed to do and I will not settle for him to be simply named as a ‘security guard’ in Ateneo,” ang nakasaad sa FB status ni Jhei Shiee.
Ayon naman sa ADMU, bibigyan nila ng financial assistance ang pamilya ni Bandiala, “The entire Ateneo de Manila community extends its sincerest condolences to Jeneven’s family and friends.”
Gumawa rin ng QR code ang unibersidad para sa lahat ng nais mag-abot ng tulong sa naulilang pamilya ng security guard, “All donations will be given to Jeneven’s family. We thank you in advance for your help.
“Once again, we condemn this act of violence, and we hope justice is served. Let us keep Jeneven, as well as Rose Furigay and Victor Capistrano, in our prayers,” sabi pa ng ADMU.
Samantala, nasa maayos nang kondisyon ngayon ang anak ni dating Mayor Rosita Furigay na si Hannah Rose, na sugatan matapos ang pamamaril sa ADMU campus.
Isa si Hannah sa mga estudyanteng magmamartsa sana sa Law School graduation ceremony na agad ding kinansela dahil sa nasabing trahedya.
Ayon sa legal counsel ng pamilya Furigay na si Atty. Quirino Esguerra base sa panayam ng ABS-CBN, nasa ospital pa rin si Hannah Rose Marian na nagtamo ng tama ng bala sa ulo at sa bandang tiyan ngunit nasa stable condition na raw ito.
“Nasa mabuting kalagayan na so far si Hannah Marian Furigay, in stable condition condition pero nasa ospital,” sabi ng abogado.
Sa inisyal na pagsisiyasat, matinding galit umano ang naging motibo ng suspek sa pamamaslang sa dating alkalde ng Lamitan City. Nasa kustodiya na ng Quezon City Police District sa Camp Karingal ang naarestong gunman.
Nauna rito, naglabas na ng official statement ang pamunuan ng Ateneo De Manila University hinggil sa naganap na krimen. Narito ang bahagi ng kanilang opisyal na pahayag.
“Ateneo de Manila University strongly condemns the shooting incident at Areté, Loyola Heights campus on Sunday afternoon, 24 July 2022.
“Three people were killed, while two others have been injured, including the suspect. Thankfully, the suspect was apprehended by the police shortly after, and is now in the custody of the Quezon City Police District.
“Ateneo de Manila University extends its heartfelt condolences to the families of the victims. There is no acceptable reason for violence. We hope and pray that justice will be swiftly served.
“The incident occurred around an hour before the start of the 2022 commencement exercises of the Ateneo de Manila School of Law at Areté, which was subsequently canceled. It has robbed the members of the Law School class of 2022 of what was supposed to be a joyous celebration.
“The University and the Law School administration are assisting students, staff, and guests who are dealing with trauma from the incident.
“Finally, let us all offer our prayers, especially for the victims and their families. May God bless us all.”
https://bandera.inquirer.net/319636/kampo-ng-pinaslang-na-ex-mayor-sa-ateneo-campus-umalma-sa-isyu-ng-ilegal-na-droga-that-is-not-true
https://bandera.inquirer.net/319579/ex-mayor-ng-lamitan-basilan-2-pa-patay-sa-pamamaril-sa-ateneo-de-manila-campus-1-estudyante-sugatan-pbbm-shocked
https://bandera.inquirer.net/313476/lolit-solis-pinagsabihan-ang-manager-ni-andrea-sa-halip-na-manakot-unahin-niyang-kausapin-si-andrea-at-pangaralan
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.