Paul Soriano napiling direktor ng unang SONA ni Pangulong Bongbong Marcos: It will be simple and traditional
Bongbong Marcos, Mark Villar at Paul Soriano
“SIMPLE and traditional.” Ganyan inilarawan ng movie producer at direktor na si Paul Soriano ang kauna-unahang State of the Nation (SONA) address ni Pangulong Ferdinand “Bongbong” Marcos, Jr..
Agad na tinanggap ni Direk Paul ang panibagong challenge na iniatang sa kanyang balikat ng Malacañang bilang direktor ng first SONA ni President Bongbong na magaganap sa darating na July 25.
“I am grateful and honored for this rare opportunity. Anytime the President needs me, I will deliver and do my best,” pahayag ng mister ni Toni Gonzaga sa panayam ng ABS-CBN.
Aniya pa tungkol sa mangyayaring Sona ni PBBM, “It will be simple and traditional and will focus on his message.”
Nagsimula na rin daw ang kanilang pagre-rehearse kasama ang Pangulo last Sunday with Radio Television Malacanang (RTVM). Katuwang din niya rito ang kanyang long-time creative collaborator na si Odie Flores, na isang cinematographer.
Sabi pa ni Direk Paul, “The President is hands-on in the crafting of his speech which will be concise, clear and direct to the point.
“The real challenge is for the public to hear him well. After all, this is a two-way process where listening skills is important to hear his message,” dagdag pa niyang pahayag.
View this post on Instagram
Siniguro rin ng asawa ni Toni na magiging mahigpit pa rin ang pagpapatupad ng health protocols sa buong venue ng SONA kung saan inaasahan ang pagdalo ng 1,300 katao.
Kumpirmado na rin ang pagkanta ng isang Ilocano choir group ng National Anthem sa unang SONA ni Pangulong Bongbong.
Matatandaang mga kilala at award-winning director din ang nagdirek ng mga SONA ng dating Pangulong Rodrigo Duterte — sina Joyce Bernal at Brillante Mendoza.
Si Paul din ang naging creative consultant sa ginanap na inaugural ni PBBM kamakaillan.
Sa isang panayam, nangako si Direk Paul na, “If there’s a need for me to help, I will be there in whatever capacity I’ve been supporting him from the start and I will continue to do that. He can count on us.”
True ba, Paul Soriano inalok ng posisyon sa gobyerno ng kampo ni Bongbong Marcos?
Sino kaya ang pinapatamaan ni Pokwang na inaakala niyang ‘mabait’ pero hindi pala?
OOTD ni Nancy Binay sa SONA 2021 aprub sa madlang pipol; bumata na, pumayat pa
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.