Edward Barber natagpuan ang kanyang ‘calling’ bilang Christian, naghahanda na para maging pastor

Edward Barber

NATAGPUAN na ng Kapamilya young actor at TV host na si Edward Barber ang kanyang “calling” sa labas ng entertainment industry.

Naikuwento ni Edward na gusto niyang maging pastor sa kanilang church ministry kung saan nagse-serve siya every Saturday.

Ayon sa binata na isa na ngayong Christian, kapag wala siyang trabaho sa showbiz, inilalaan niya ang kanyang panahon sa kanilang simbahan. Dito raw niya natagpuan ang isa pang purpose niya sa buhay.

“Nahanap ko yung balance sa buhay ko sa labas ng industry at yung ginagawa ko sa loob ng industry,” pahayag ni Edwar sa panayam ng Star Magic Inside News.

Dagdag pa niya, “May mga bagay na I’m not willing to sacrifice it or mas importante yun kesa yung job here and there sa loob ng industry.”

Nagpapasalamat daw siya nang bonggang-bongga sa ABS-CBN dahil sa magagandang opportunities na ibinibigay sa kanya pero aniya, parang may hinahanap pa siya bukod sa pagiging artista at TV host.

 

View this post on Instagram

 

A post shared by Edward Barber (@edward_barber)

At nang magsimula na nga siyang maging aktibong miyembro ng kanilang church ministry, dito na niya nasabing gusto niyang maging pastor pagdating ng tamang panahon.

“I love ABS-CBN. I love my family here. But at the end of the day, it is work. And I have other people that I love too outside…I wanna be in a ministry which is not a priest but a pastor. Maybe one day,” sey ni Edward.

Pero nilinaw naman ng binata na hindi niya iiwan agad-agad ang showbiz dahil mahal na mahal din niya ang pinili niyang industriya at marami pa rin siyang gustong marating bilang artista.

Edward Barber nabinyagan na bilang Christian: God changed my life…

Robi, Edward, Darren, AC solid ang barkadahan, sino ang ‘puso’ ng kanilang friendship?

Maymay kay Edward: Masaya ang puso ko, nahanap ko ‘yung saya na gusto ko…