Vice Ganda: Maraming nagtatalo kung paano nila ako ia-address, ‘sir’ or ‘ma’am,’ kung ‘he’ or ‘she’
Ion Perez at Vice Ganda
NAO-OFFEND o naiimbiyerna ba ang Phenomenal Box-Office Star na si Vice Ganda kapag tinatawag siyang “Sir”, “Kuya” at “Tito”?
Sinagot ng TV host-comedian ang isyung ito sa isang episode ng “It’s Showtime” nang mapag-usapan ang tungkol sa gender identity, lalo na sa mga miyembro ng LGBTQIA+ community.
Isang contestant sa “Showtime Sexy Babe” segment ng noontime program ng ABS-CBN ang nagkuwento tungkol sa mga karanasan niya sa catcalling na isang uri ng pambabastos o panghaharas sa mga kababaihan na karaniwang nagsisimula sa pagbating, “Hi, miss.”
Pagkatapos magbahagi ng nasabing contestant, biglang humirit si Vice ng, “Alam mo, ako, ikinaka-offend ko? ‘Hi, sir!’ Sir? ‘Tito Vice!’”
“Hindi. Ako, hindi ako nao-offend sa ganyan. Actually, marami nga laging nagtatalo kung paano nila ako ia-address, kung ‘sir’ or ‘ma’am,’ kung ‘he’ or ‘she,’” seryosong sabi ng komedyante.
View this post on Instagram
Pero ayon kay Vice, may ibang miyembro ng LGBTQIA+ na partikular sa tinatawag na “gender identifiers”. Talagang big deal sa kanila ang “Sir” o “Ma’am.”
“Ako, kasi, deads (deadma) ako. Pero, ‘yung iba, kailangan mong tanungin. ‘How do you want to be addressed po — sir or ma’am?’ Kasi ‘di ba, mahirap i-base sa hitsura lang.
“May mga pronouns na ‘yung iba dini-demand talaga na, ‘Ibigay mo sa amin ang pronoun na ‘yun,’” katwiran ng “asawa” ng “It’s Showtime” co-host at aktor na si Ion Perez.
Sa isang panayam, nabanggit na ni Vice na itinuturing niya ang sarili na isang “non-binary”, ibig sabihin, “his gender does not fall into the traditional categories of man or woman.”
“Kahit sa mga articles, kapag ini-interview ako, ‘Ano pong pronoun ang gusto niyong gamitin sa inyo — she po ba or he?’ Ako, personally, sasabihin ko, I don’t really mind. Kung ano pong gusto niyo. Hindi ako mao-offend kung gamitan niyo ako ng ‘he’ or ‘she.’
“Pero, ako iyon. May mga tao na definite sila kung ano’ng pronoun ang gustong gamitin sa kanila. Kaya it’s better that you ask, kasi not everyone is identifying themselves as part of the binary gender,” paliwanag ni Vice.
Hirit ni Alex sa katawan ni Maris: Asar ako sa abs mo, nagpapakita siya kahit ‘di tinatawag!
Vice Ganda: Pag tinawag mo akong ma’am o sir hindi ako mao-offend, non-binary ang gender ko
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.