Miss Universe 2021 Harnaaz Sandhu shookt nang makita si Catriona Gray sa Miss Universe PH dinner party
Harnaaz Sandhu at Cariona Gray
“SURPRISE!” Yan ang nangyari sa pagdating ng Filipina beauty queen na si Catriona Gray sa naganap na Miss Universe Philippines dinner party kagabi.
Hindi kasi inaasahan ng mga um-attend sa event ang pagdating ng TV host at Miss Universe 2018 kaya naman halos lahat sila ay nasorpresa nang bongga.
Actually, marami nga ang nagtatanong kung ano ang magiging partisipasyon ni Catriona sa grand coronation night ng nasabing national pageant dahil hindi ito nagpaparamdam.
Wala rin siya sa line-up ng magiging hosts ng event na pinangungunahan nina Miss Universe 2015 Pia Wurtzbach, Miss Universe 2016 Iris Mittenaere and Miss Universe 2017 Demi Leigh Nel Peters Tebow na nagkita-kita na nga kagabi para sa kanilang rehearsal.
Isa nga sa mga nagulat nang muling makita si Catriona (na nakasuot ng pink cocktail dress) nang personal ay ang Indian beauty queen at reigining Miss Universe na si Harnaaz Sandhu.
View this post on Instagram
Makikita ang naging reaksyon ni Harnaaz sa video na ipinost ng dati ring beauty queen na si Shamcey Supsup na siya ring National Director ng Miss Universe Philippines.
Agad na sinalubong ni Harnaaz si Catriona at niyakap ito nang mahigpit. Nag-usap din sandali ang dalawa saka umupo sa kani-kanilang assigned seats.
Isa si Miss Universe 2021 Harnaaz Sandhu sa mga magiging hurado mamaya sa finals night ng Miss Universe Philippines 2022. Naging bahagi rin siya ng preliminary interviews ng pageant na ginanap sa Okada Manila last Wednesday, April 27.
Dumating si Harnaaz sa bansa nitong Lunes, April 25 at talaga namang super excited na siyang mas makilala pa ang mga Pinoy at ang ating kultura.
“I think I want to explore the city. I want to explore some Filipino coffee and some food. And I am sure there will be a lot of other things so I’m going to try my best to explore everything possible,” pahayag ng beauty queen sa isang panayam.
Looking forward din siya na maka-bonding uli si Miss Universe Philippines 2021 Beatrice Gomez at ang iba pang Miss Universe queens.
“Bea is definitely one of the closest girls that I met during Miss Universe and we shared a lot of things together. And I am really excited to make some new memories,” aniya pa.
“Such an incredible time to reunite with my Miss Universe sister, Miss Philippines 2021. I’m so grateful to share this opportunity to spread more awareness about menstrual equity and explore your beautiful country filled with love and positivity,” sabi pa ni Harnaaz patungkol kay Bea.
“Thank you my gorgeous @beatriceluigigmz for always being by my side throughout the pageant and even after. Can’t wait to create more memories and welcome you to my diverse country, India!” sey pa ni Miss India.
https://bandera.inquirer.net/310891/dagdag-timbang-ni-miss-universe-2021-harnaaz-sandhu-dahil-sa-food-allergy
https://bandera.inquirer.net/307767/catriona-gray-ipinagtanggol-si-miss-universe-2021-harnaaz-sandhu-beauty-queen-title-should-be-more-than-an-image
https://bandera.inquirer.net/311799/beatrice-gomez-emosyonal-nang-muling-makita-si-miss-universe-2021-harnaaz-sandhu-i-cant-believe-youre-finally-here
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.