Albie Casino walang time magkadyowa; may 4 na katangiang hinahanap sa isang babae
Albie Casino
NAGBIGAY ang Kapamilya hunk actor na si Albie Casino ng apat na qualities na hinahanap niya sa isang babae na posibleng maging dyowa niya pagdating ng tamang panahon.
Single pa rin hanggang ngayon ang binata matapos ang ilang beses na pagkabigo sa pag-ibig pero sumusumpa si Albie na masaya naman daw siya sa kanyang buhay kahit wala siyang girlfriend.
Kuntento rin daw siya sa mga nagaganap ngayon sa kanyang personal life at showbiz career, at balak niyang mag-focus muna sa kanyang sarili, pamilya, mga kaibigan at sa trabaho.
“In love ako sa puwesto ko sa buhay ngayon. I love life right now. I love my fans. Pero romantically, wala talaga,” pahayag ni Albie na napapanood ngayon sa bagong online series na “How To Move on in 30 Days”.
Ito ang unang collaboration project ng ABS-CBN at YouTube na pinagbibidahan din nina Carlo Aquino at Maris Racal.
Chika pa ni Albie sa isang panayam, “Wala akong time magkadyowa. Like I barely have time to see my friends. I barely have time to do all this work. And that’s one thing I really realized sa last relationship ko.
View this post on Instagram
“Because I was together with her for four years, and we lived together, too. So parang napabayaan talaga ‘yung relationship ko with my friends because I was always with my girlfriend.
“Tapos nagka-COVID pa tayo, so ang tagal na panahon na wala akong ginagawa, hindi ko nakikita mga friends ko. So now I think I just want to have fun. I just want to enjoy,” paliwanag ng aktor.
Kasunod nga nito, inisa-isa ni Albie ang apat na katangiang hinahanap niya sa kanyang dream or ideal girl, “Siguro number one, ‘yung marunong na makipaghalubilo sa tao. She has to be like me.
“Kahit naman not super outgoing like me, pero marunong. Because I have so many different groups of friends. I have friends from everywhere. Kailangan masama kita sa lahat ng ‘yan, and kaya mong makisabay, kaya mong makisama That’s number one.
“Number two is kailangan confident ka rin siguro sa sarili mo. Number three is you have to take care of yourself like I take care of myself. ‘Di ba, hindi naman sa pagiging shallow. And number four is she has to understand my gym habits,” sey pa niya.
Sa presscon ng “How To Move on in 30 Days” inamin din ni Albie na hindi madali para sa kanya ang-move on mula sa isang nawasak na sa relasyon.
Sa katunayan, 2019 pa raw noong huli siyang nagkadyowa at feeling niya until now ay hindi pa siya ready na magkadyowa uli.
“So I guess you can say that hindi pa ako ‘moved on.’ I’m totally over it, wala na, I don’t mind anymore. But right now, feeling ko hindi pa ako ready magka-relationship,” pag-amin niya.
Tungkol naman sa isyu ng closure, ito ang masasabi ng aktor, “I think it’s overrated. You don’t need closure. Like, if your girl cheated on you, what’s the closure? That’s it, she cheated on you. You don’t need to know why, ‘di ba?
“Magtatanong ka, ‘why did you cheat?’ Kasi mas pogi ‘to? Don’t ask questions you don’t want to hear the answers to.
“In my personal opinion ha, I really honestly think that closure is overrated. Like with my last relationship, wala namang third party na nangyari.
“We just broke up because of reasons you could…feasible talaga na umupo kami, mag-usap kami para may closure. Pero para saan pa? What’s the point? I really think that it’s overrated. You’re just putting yourself in a bad situation.
“But of course, depende sa tao, depende sa circumstances. Pero ako personally, I think it’s not a good idea. Tatagal pa ‘yung pagmu-move on mo diyan. Just forget about it! It didn’t work, it’s done. Tanggapin mo na lang,” sabi pa ni Albie.
Pero in fairness, willing naman siyang magbigay ng second chance sa nakahiwalay na dyowa, “Yeah, I don’t see why not. I’m a completely different person now than I was five, six years ago. So who’s to say that my ex isn’t different also, ‘di ba?
“Of course, depende rin sa circumstances, depende sa lahat. Pero I don’t see why people shouldn’t get another chance. Because I’m someone who’s benefitted from a second chance, ‘di ba?
“I’m not saying in relationships ha. But, like, even in showbiz. I would not never take a second chance for granted talaga. So who am I to not give someone a second chance?” diin ni Albie.
https://bandera.inquirer.net/299080/albie-nawalan-ng-milyones-dahil-kay-andi-so-how-can-i-be-okay-with-them
https://bandera.inquirer.net/302893/albie-walang-paki-kung-ayaw-sa-kanya-ng-mga-tao-tanggap-ko-kung-bakit-hindi-mo-ako-gusto
https://bandera.inquirer.net/285905/batang-pulitiko-pomoporma-sa-halalang-2022
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.