Coleen nanibago sa pag-arte: Ang tagal ko kasing nagpahinga, ang alam ko lang magluto, mag-change ng diapers…
JC Santos, Coleen Garcia at Diego Loyzaga
“DAPAT kung pipili ng project, todo bigay talaga,” ang bahagi ng pahayag ni Coleen Garcia na finally, nagdesisyon nang bumalik uli sa pag-arte.
Makalipas nga ang mahabang pamamahinga sa showbiz ay mapapanood uli ang misis ni Billy Crawford sa pelikulang “Adarna Gang”, ang latest action-drama offering ng Viva Films mula sa direksyon ng multi-awarded and internationally acclaimed filmmaker na si Jon Red.
Aminado naman si Coleen na bilang first-time mommy ay medyo nahirapan siyang mag-decide kung babalik na siya sa pag-arte. More than one year pa lang daw kasi ang first baby nila ni Billy ba si Amari.
“Before this, I was telling myself, ikakasal na ako at magkaka-baby na ako, siguro kailangang piliin ang mga roles. Sobrang tagal ko nang hindi gumawa ng pelikula, not just because of having the baby, but also because of the pandemic.
“Sa tagal kong nawala, sobrang na-miss ko at excited ako to be back and be part of really good stories. What I said before na hindi ko gagawin, I gave myself restrictions,” pahayag ng aktres.
Aniya pa patungkol sa pagbabalik niya sa showbiz, “I am more willing to give what is needed for me to every story that I will be taking on.
“Yes, I will still carefully choose the roles because I don’t want to be a part of something that I will not be all in. Dapat kung pipili ng project, todo bigay talaga. I have to pick the projects I believe in, para mabigay ko lahat,” lahad pa niya.
Hindi rin itinago ni Coleen na medyo feeling intimidated siya sa mga co-stars niya sa “Adarna Gang,” tulad nina Mark Anthony Fernandez, Diego Loyzaga at JC Santos.
“Ang tagal ko kasing nagpahinga. Ang puro alam ko lang magluto, mag-change ng diapers. Nakalimutan ko kung paano ang gagawin ko in front of the camera.
“If the role was emotional, nakalimutan ko how to be emotional. Nakalimutan ko kung paano maging malungkot o kung paano magalit. Those were all things that refreshed me again at kailangan kong hukayin sa sarili ko.
“I think that was very challenging for me. Wala akong naging warm-up. I really had to go back into acting to just prepare from home. Then, when I arrived on the set to just give everything I had,” kuwento ng misis ni Billy.
Aniya pa, “All of them had recent projects. Na-intimidate ako talaga at the start. But at the end of the day, they were all approachable and very nice.
“We were just all laughing and enjoying while we were shooting. That was a huge help for me. Si Direk (Jon), talagang he really guided all of us. Talagang hindi ako confident at first. But direk always listened to me. I told him what my plans were for certain scenes. That was very reassuring,” dagdag pa ni Coleen.
View this post on Instagram
Ipinagdiinan naman ng aktres na kahit umaarte na uli siya, mananatiling si Amari pa rin ang priority niya, “The reason hindi ganoon kabilis ang paggawa ko ng films ngayon, it’s really because of him. Talagang inuuna ko siya.
“I cook for him every day. It’s very different. The sleep, every time, I don’t have more than two hours straight. Billy goes to work also, so I’m more often with Amari. Maka-mommy talaga siya, very clingy.
“Everything I plan, it’s all for him and he’s taken into consideration every single time. If I can say it in the shortest, possible way, having a baby is definitely life-changing for me,” sabi pa niya.
Tungkol naman sa role niya sa “Adarna Gang,” gaganap siya bilang Adriana na maghihiganti sa pagkamatay ng kanyang tatay, “At the same time, my character in ‘Adarna Gang,’ there were lots of emotions at play.
“There’s greed, there’s vengeance. These were emotions na opposite ‘yung nararamdaman ko in life.
“The challenge was to completely forget where I am at right now in my life and to be able to bring out the heavy emotions. Maybe that was where I was really challenged. I really love the role,” kuwento ni Coleen.
Mapapanood na ito very soon sa Vivamax Plus at sa March 11 naman sa Vivamax.
https://bandera.inquirer.net/297022/coleen-may-babala-sa-netizens-patungkol-sa-contractor-na-scammer
https://bandera.inquirer.net/305974/jc-santos-enjoy-na-enjoy-ang-pagiging-tatay-nakikita-mo-yung-nagiging-personality-niya
https://bandera.inquirer.net/289700/vice-pinagtripan-ang-darna-ni-jane-ikinonek-sa-kasal-parang-every-year-papalitan-ka-tapos-ang-tagal-matuloy
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.