Keanna Reeves na-hurt sa comment ni John Prats after maghalikan sa PBB
John Prats, Keanna Reeves at Boy Abunda
INIYAKAN pala nang malala ng aktres na si Keanna Reeves ang naging pahayag ni John Prats matapos silang maghalikan nang ilang beses sa loob ng Bahay ni Kuya.
Inalala ni Keanna ang naging “past” nila ni John Prats noong magkasama sila sa “Pinoy Big Brother Celebrity Edition” ng ABS-CBN. Siya ang itinanghal noong Big Winner
Sa guesting ni Keanna sa nakaraang episode ng “Fast Talk with Boy Abunda”, naibahagi niya ang ilang hindi malilimutang karanasan sa loob ng Bahay ni Kuya.
Kabilang na nga riyan ang mga pinasaluhan nilang happy and intimate moments ni John Prats pati na ang nangyari sa kanila ni BB Gandanghari na noo’y kilala pa bilang si Rustom Padilla.
Inamin ni Keanna kay Tito Boy na na-attract talaga siya noon kay John Prats, “Naging best friend kami tapos may issue issue sa loob.
“Kasi may girlfriend siya noong pagpasok. Tapos noong paglabas parang naghiwalay yata sila,” aniya pa.
View this post on Instagram
Knows naman daw niya na hanggang sa Big Brother house lang ang kanilang sweet moments at hindi naman siya umasa na magiging magdyowa sila.
Pero sey ni Keanna hinding-hindi niya makakalimutan ang masakit na pag-iyak niya sa “PBB” house nang dahil sa sama ng loob kay John.
“Kasi nagki-kiss kami sa lips noon. Tapos nagreklamo siya kay Kuya na baka daw ma-misinterpret iyon sa labas. Tapos siya naman yung lapit nang lapit. Siya naman ‘yung kiss ng kiss,” rebelasyon ni Keanna.
Feeling offended daw ang aktres nang marinig niyang sinabi ni John na para siyang nanay na hinahalikan.
“Kaya umiyak ako. ‘Kung nagrereklamo ka, bakit hindi mo sabihin sa akin? Bakit sinasabi mo pa kay kuya na naiilang ka?'” ani Keanna.
Naayos naman daw nila ni John ang kanilang isyu at nagkapatawaran. Sa katunayan, mas naging close pa nga raw sila sa loob at labas ng “PBB.”
Aside from John Prats, binalikan din ni Keanna ang naranasang heartbreak kay Rustom Padilla, na mas kilala na ngayon ng madlang pipol bilang BB Gandanghari.
“Akala ko Tito Boy, liligawan niya ako. Pinainom kami ng red wine ni Kuya tapos kami lang dalawa parang binigyan kami ng moment.
“Akala ko siyempre excited na ko noon na parang magtatapat siya sa akin na gusto niya ako. Parang alam mo ‘yung in reality hindi pala. Pareho pala kami ng gusto,” ang lang nang laugh na sey ni Keanna.
“Sinabi ko sa kanya paglabas, ‘Sana i-delay mo muna. Tayo muna tapos tsaka ka na magtapat,'” hirit pa niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.