Payo kay Camille ng ama: Ang pag-aartista, hindi pasikatan, patagalan yan

Camille Prats at VJ Yambao

BILANG isang ina at asawa napakarami na ring pinagdaanang challenges in life ang Kapuso actress at TV host na si Camille Prats.

Sa ilang taong pagtupad sa mga responsibilidad niya as a mother and a wife, sandamakmak nang aral sa buhay ang natutunan ni Camille lalo pagdating sa usapin ng pakikipagrelasyon.

“Siguro kung meron akong na-discover, importante ‘yung relationship. It’s not automatic na magulang ka, at anak mo ‘yan, e, may relationship kayo, because there are families na sa bahay, alam mo ‘yung hindi nakakapag-usap,” pahayag ni Camille sa panayam ng GMA.

“‘Yung mga bata, takot sa magulang, or sometimes ‘yung mga magulang masyadong busy, wala silang time kausapin ‘yung mga anak nila,” dagdag pa niya.

“I try my best, even VJ (Yambao, husband niya) to really know ano ‘yung nasa puso ng mga anak namin,” aniya pa.

Baka Bet Mo: Camille wish makasama uli sa movie si Angelica: Sa edad namin ngayon, ano kayang feeling na magkatrabaho uli kami?

Makalipas ang ilang dekada sa mundo ng showbiz, baon pa rin ng Kapuso star ang mga advice sa kanya ng ama.

“Growing up in this industry, nakita ko kung paano ‘yung ibang mga artista na mas may edad sa akin, so nakita ko kung paano sila nag-i-struggle.

 

View this post on Instagram

 

A post shared by Rush (@rushromano)

“One thing that I realized, my dad told me this growing up, e, ‘Alam mo, Anak,’ sinasabi niya sa amin ito ni John (Prats), sabi niya, ‘Ang pag-aartista, hindi ‘yan pasikatan, patagalan ‘yan.

“Tapos naisip ko, oo nga naman kasi kapag sumikat ka na, narating mo na ‘yung rurok ng fame, there’s nowhere to go but down.

“And it thought me a valuable lesson na kailangan ‘yung identity mo, hindi mo siya itatali sa pagiging artista,” paliwanag pa niya.

Bida si Camille sa latest series ng GMA 7 na “Mommy Dearest” na nagsimula na kahapon, February 24, 3:20 p.m. sa GMA Afternoon Prime pagkatapos ng “Prinsesa Ng City Jail.”