Bea nagka-COVID-19 habang naghahanda sa dream shoot at brand endorsement: But I survived!
Bea Alonzo
“I SURVIVED!” Ito ang bahagi ng naging pahayag ng Kapuso actress na si Bea Alonzo matapos amining tinamaan din siya ng COVID-19.
Ibinahagi ng dalaga sa publiko ang nangyari sa kanya nitong nagdaang Enero nang magpositibo sa coronavirus matapos maturukan ng booster shot kontra COVID-19.
Nag-post si Bea sa kanyang Instagram account kahapon, Feb. 8, ng isang litrato na kuha habang tinuturukan siya ng booster shot. Makikita sa photo ang aktres na naka-face mask at nakapikit.
“The start of this year was challenging. I caught COVID in early January, just like most people (during) the COVID-19 surge,” simulang pagbabahagi ni Bea sa caption.
Aniya pa, “And at that time, I was also struggling with the worst muscle spasm, all while getting ready for my dream shoot and a brand endorsement I never thought would happen.”
Tulad ng ilang celebrities na tinamaan ng virus noong kasagsagan ng surge last month, matindi rin ang naranasan ni Bea dahil halos lahat ng sintomas ay naramdaman niya.
“It was a challenging moment. I got most of the symptoms and I was having a hard time breathing. But I survived!” sey pa ng girlfriend ng hunk actor at businessman na si Dominic Roque.
View this post on Instagram
At dahil nga sa nangyari sa kanya, muling nanawagan ang dalaga sa lahat ng Filipino na huwag magpakakampante kahit na medyo lumuwag na uli ang galawan sa Metro Manila at mga kalapit probinsiya.
Kasunod nito, hinikayat din ni Bea ang lahat na magpabakuna na at magpa-booster para masigurong may panlaban sa virus.
Samantala, naghahanda na ang aktres sa inaabangang comeback movie niya kung saan makakasama niya ang Asia’s Multimedia Star na si Alden Richards. Ang huling balita namin, ngayong buwan na magsisimula ang kanilang lock-in shooting.
Marami na rin ang excited sa unang teleserye na gagawin ni Bea sa GMA 7. Balitang may nakahanda na ring materyal ang network para sa first ever series ng aktres bilang Kapuso.
https://bandera.inquirer.net/302397/pia-nagka-covid-sa-uk-kahit-bakunado-na-with-booster-pa-i-eat-healthy-im-active-pero-nahawa-pa-rin
https://bandera.inquirer.net/281254/iza-inalala-ang-paglaban-sa-covid-makalipas-ang-1-taon-pease-fight-to-survive
https://bandera.inquirer.net/302826/kahit-po-ako-nag-positive-na-po-ingat-po-tayong-lahat
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.