Kris pinatawad na si Mel Sarmiento; muling nag-sorry kay P-Noy
Kris Aquino, Joshua at Bimby
BALIK Instagram na si Kris Aquino. Nag-post kaninang madaling-araw ang TV host at aktres ng isang video kasama ang dalawang anak na sina Joshua at Bimby.
Makalipas ang 14 araw, nagparamdam na nga uli si Kris sa kanyang mga fans at followers sa social media para batiin ang namayapang kapatid na si dating Pangulong Noynoy Aquino sa kaarawan nito.
Bumati ang mag-iina ng, “Happy birthday” kay P-Noy pero umulit si Josh, “Happy birthday tito Noy, I love you.”
“Ohh, kailangan mo talaga kaming kabugin?” tanong ni Kris sa panganay na anak. In fairness natawa kami sa reaksyon ng Queen of Social Media.
Patuloy ng TV host, “Well, it’s true! Totoo naman talaga na super love ni Kuya, it’s obvious kasi ikaw rin naman ang favorite niya (sabi kay Josh), okay…sorry Bimb.”
“I know, it’s okay. I know he loves me as well,” kaswal na sagot ng binatilyo.
Giit ng mama ng dalawang big boys ay mas lamang si Josh kaya sinabihan ni Bimb ang nanay niya ng, “Okay, you don’t have to day that” at nagkatawanan ang tatlo.
Sa video post ni Kris ay ipinakita niyang muli siyang kinunan ng dugo nitong Peb. 7 for check-up at ipinagpapasalamat niya dahil ang bilis daw nakita ang ugat niya kumpara noong Enero 2 na nahirapan siyang kunan ng blood sample.
“Because dehydrated kaya walang dugo,” paglalarawan niya.
Pinuri pa ni Kris ang nurse na kumuha ng kanyang blood sample, “Ang galing mo, ikaw dapat ang forever kumuha ng blood. I like you. At para klaro po sa lahat, tomorrow po (Feb. 8) may PET scan po ako.”
Samantala, may mensahe ang bunsong Aquino sa kanyang namayapang kuya para sa kaarawan nito kahapon.
“Sorry, Noy mahirap mag edit. Kasi grabe ka naman magparamdam… tried my best umabot ng kahit 11:45 PM BUT di talaga kaya.
“I love you so much. I’m so sorry na hindi ko nasabi enough times when you were still here. I’m sorry for letting you down- but I know nakita mo how much your death has profoundly changed me.
“I know you wanted to teach me how to practice humility and not to post anything that later on I may regret… sorry sumablay lang kay Mel (Sarmiento) kasi pumatol ako and nag comment when I should’ve just shut up. After I post this, i’ll message him na all is forgiven & forgotten.” Si Mel Sarmiento ang ex- fiancé niya.
View this post on Instagram
Sabi pa ni Kris, “Time to stop looking back, free myself from the past, focus on today and still have enough FAITH to look forward to tomorrow.”
Naaliw din kami sa bilin ng nakababatang kapatid ni P-Noy tungkol sa mga kapatid nitong babae.
“I’m sure super happy ka because solong-solo mo ang mom and dad in heaven. Please habaan n’yo pa ‘yung bonding n’yo? If Ate goes, you know how tight she and mom were. If it’s Pinky, everyday may ka debate ka na hindi takot awayin ka. Please not Viel, she’s super organized & that’s why all your pamangkins get their birthday & Christmas ‘hulog ng langit.’
“And if it’s me- you know naman… birthday mo so I’ll behave, di ko na sasabihin but I know you know what I mean (yellow heart emoji).
“WE ALL LOVE YOU and we really miss you- but kuya Josh & Bimb, they still really need me. Ikaw nang bahala, okay.
“Bunso will try her best to be more like you, and ‘yung inako kong mga binilin mong ‘wag pababayaan- ginagawa talaga.
“Remember your last SONA? May mga ‘leaders’ kang in-invite, you called me to join you w/ them sa picture taking. You said nu’ng 1998 sila ‘yung unang sumuporta and kung wala sila, hindi mo maaabot ‘yung inabot mo.
“Hinanap sila ni Alvin & kuya Nory… I made sure they felt our gratitude & #lovelovelove before mom’s birthday. Mahaba na ‘to. To be continued tomorrow… (may tribute po ako for Noy but my brother deserves excellent editing kaya later po).”
Kaya abangan ang next post ni Kris ngayong araw.
Kris kay Duterte: Never ko siyang binanatan, kaya sa mga DDS, walang reason na maging magkaaway tayo
Kris may inamin tungkol kina James at Bistek; pinayuhan si Bimby sa pakikipag-date
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.