LOOK: Kathryn sobrang saya makatrabaho si Ronaldo Valdez
LABIS ang saya ng Kapamilya actress na si Kathryn Bernardo dahil natupad na ang isa sa kanyang mga pangarap na makapagpa-picture sa kanyang paboritong artista.
Kahit na big star na ang dalaga at isa na sa mga tinitingala sa industriya ay hindi pa rin nawawala sa kanyang ang maging fan girl ng mga kapwa artista.
At isa nga sa mga paboritong artista ni Kathryn ay si Ronaldo Valdez.
Sa kanyang Instagram account ay ibinahagi nito ang kanilang larawan.
“Achievement unlocked: a photo with my favorite actor, Tito Ron,” saad ni Kathryn.
View this post on Instagram
Dagdag pa niya, “It’s such a privilege to be working with him for this project.”
Isa si Ronaldo Valdez sa mga makakasama nina Kathryn at ng kanyang real life dyowa na si Daniel Padilla sa kanilang bagong TV series na “2G2BT (2 Good 2 Be True)”.
Pag-amin niya pa, isa sa highlights ng kanyang 2021 ang makasama sa trabaho ang beteranong aktor.
Hirit pa niya, si Ronaldo Valdez lamang daw ang tanging actor na choice nila nang ibahagi sa kanila ang bagong proyekto.
“Fun fact: He was our only choice for the role when they pitched #2G2BT last year. No one else. Being able to do this show with him is one of the highlights of my 2021. Hayyy my heart,” saad ni Kathryn.
Reply naman ng beteranong aktor, “Suus… Kataba naman ng puso! I guess the feeling is Mu2al. Paboreyt ka kaya namen ni Wifey kasi kamukha mo raw siya!”
Samantala marami naman ang excited para sa upcoming teleserye nina Kathryn at Daniel.
“So excitinggg,’ sey ni Moira.
“Can’t wait to see your scenes!!’ saad naman ni Ria Atayde.
Related Chika:
Mommy Min shocked sa sinisingil ng fan para sa ‘domain’ ni Kathryn: Sarili mong pangalan ‘di mo pwedeng gamitin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.