Beatrice Gomez umaming inatake ng nerbiyos sa Q&A ng 2021 Miss U: But I believe I did well
Beatrice Luigi Gomez
AMINADO si Beatrice Luigi Gomez na ikinagulat niya ang tanong na napunta sa kanya sa question and answer segment ng Miss Universe 2021 pageant.
Umabot hanggang sa Top 5 ang Pinay beauty queen kung saan isa-isa silang sumabak sa Q&A portion at dito marami ang nagkomento na tila inatake siya ng nerbiyos habang sumasagot.
Ang tanong kay Bea ay tungkol sa universal vaccine passport na nagmula kay Miss Universe 2016 Iris Mittenaere, na isa sa mga umupong hurado sa pageant.
“I was quite surprised kasi I noticed na most of the questions were about women empowerment and children’s rights.
“Hindi ko po actually in-expect na yung question na mapupunta po sa akin possibly would be something political.
“So, nagdadalawang-isip ako how I should answer that question,” ang diretsahang pahayag ng dalaga.
Patuloy pa ni Bea, “Inisip ko lang kung ano yung core values ko, yung paghuhugutan ko ng answer about my stand is.
“I believe I did well. It’s just that I got really nervous, and kaya yung delivery ko hindi siya masyadong magaling. Pero for me, na-deliver ko po yung answer na gusto kong isagot,” paliwanag pa niya sa isang panayam nitong Martes, Dec. 14.
View this post on Instagram
Nauna rito, nabanggit na rin ng dalaga ang tungkol dito sa panayam ni Dyan Castillejo pagkatapos na pagkatapos ng Miss Universe 2021 grand coronation last Monday morning.
“Kinabahan po ako. Kasi I didn’t expect lang na ganoon yung mga questions, na parang I thought it was more about our personality.
“But I’m actually contented with my answer. I’m satisfied with how everything went well,” dagdag pa ni Beatrice.
Wala pang nabanggit si Bea kung ano na ang susunod niyang plano pagkatapos ng kanyang Miss Universe journey pero tulad ni Rabiya Mateo posible ring pasukin ng dalaga ang showbiz.
View this post on Instagram
TRANSCRIPT: Miss Universe Philippines 2021 Final Question and Answer
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.