Sexy actor na si Rash Flores umaming nagkadyowa na ng beki; nag-frontal sa ‘Palitan’
Rash Flores
DIRETSAHANG inamin ng baguhang sexy actor na si Rash Flores at bida sa bagong sex-drama film ni Brillante Mendoza na “Palitan” na may nakarelasyon na siyang bading.
Aniya, 13 years old pa lang daw siya noong unang magkaroon ng “experience” sa beki at wala pa raw talaga siyang kaalam-alam noon sa pakikipagrelasyon.
Naikuwento ni Rash ang tungkol dito sa nakaraang presscon ng LGBT film na “Palitan” nitong nagdaang Dec. 7 kung saan tinanong siya kung open ba siyang makipagrelasyon sa kapwa lalaki o beki.
“Para sa akin, oo naman, open ako. Kasi nga, laking kalye rin ako. Marami akong friends na gay. May nakarelasyon din ako, once lang.
“Pero bata pa ako nu’n, e. Parang hindi pa ako mulat sa ano. Siguro, mga 13 ako nu’n,” sabi ng aktor.
“Actually, wala kaming sex, e. Thirteen years old pa lang kami. Then, nakarelasyon ko lang siya. One month lang kami nu’n.
View this post on Instagram
“Actually, nahuli pa nga ako ng nanay ko, naglalakad ako sa daan. ‘O, saan ka galing? Galing ka sa bakla, ‘no?’ sabi niya,” natawang kuwento ni Rash na talagang ipinakita rin ang buong katawan sa “Palitan.”
Sa tanong kung hanggang saan ang ipinakita niya sa bagong obra ni Direk Brillante, “Sobrang palaban ng pelikulang ito about sa hubad, kasi yun ang kailangan sa movie.
“Kailangan siya ng story. Kailangan ko talagang maging palaban, so para sa akin, sobrang palaban ang Palitan.
“Ginawa ko lahat. Dahil ako’y baguhang artista, ginabayan ako ni Direk para makuha ko ang eksena na dapat sa story,” aniya pa.
Tatalakayin sa pelikula ang partner swapping kaya naitanong din kay Rash kung payag ba siyang makipagpalit ng partner para sa tawag ng laman?
Ani Rash, “Para sa akin, hindi rin, e. Hindi siya okay. Hindi ko rin gustong makipagpalit ng partner. Kasi, parang kapag nakipagpalit ka ng partner, ang pangit tingnan, para sa akin. Pag sinabi mong palit, parang bagay lang iyan, e.
“Hindi naman bagay yung pinagpapalit mo, siyempre. Tao rin ‘yan. Para sa akin, ang pag-ibig is sagrado. Para na rin siyang kasal, para sa akin. Kaya hindi,” katwiran niya.
Unang napanood si Rash sa “Pornstar 2: Pangalawang Putok” kung saan nagpakita siya ng pwet pero wala siyang dialogue. Sa “Palitan” isa na siya sa mga bida at idinirek pa ni Brillante Mendoza.
Nakatakda na itong mag-streaming bukas, Dec. 10, sa Vivamax. Kasama rin dito sina Cara Gonzales, Luis Hontiveros at Jela Cuenca na hindi rin nagpatalbog sa hubaran at sex scenes.
https://bandera.inquirer.net/299839/nakakaloka-ang-sex-scenes-sa-palitan-ni-brillante-mendoza-4-na-bida-naghubot-hubad
https://bandera.inquirer.net/298937/sexy-star-ng-viva-pinayagan-ng-ama-na-maghubad-sa-pelikula-pero-bawal-akong-hawakan-sa-boobs
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.