Beauty may pa-survey para sa ‘Loving Miss Bridgette: Who wants a happy ending for her?
Beauty Gonzales at Kelvin Miranda
IN FAIRNESS, talagang mas dumarami pa ngayon ang naaadik sa afternoon series ng GMA 7 na “Stories From The Heart: Loving Miss Bridgette.”
Mismong mga kapitbahay namin sa Cainta ay bumuo na ng sarili nilang grupo para sabay-sabay daw silang manood ng serye nina Kelvin Miranda at Beauty Gonzales tuwing hapon.
Kaloka! Palibhasa kasi, nakaka-relate raw silang lahat sa role ni Beauty bilang isang mature woman na na-in love sa lalaking mas bata sa kanila. Bongga, di ba?
Sey nga ng isang adik na adik sa “Loving Miss Bridgette”, “Ang lakas ng dating ng loveteam nila. Kahit hindi sila magka-age level, may something! Kilig pa more talaga ang tambalan nila.”
Comment naman ng isa pang fan ng serye na isa nang biyuda na umaasa pang magkadyowa uli, “Bagay sila kahit first time magtambal. Si Beauty magaling naman talagang aktres pero dito pinatunayan niya na versatile siya.”
Sey ng isa pang fan, “Si Kelvin bukod sa cute, talagang lakas ng appeal! Iba ang onscreen chemistry nilang dalawa! Di nagkamali ang GMA sa pagkuha kay Beauty. Sana masundan pa ang shows niya sa GMA.”
Sa Instagram naman ni Beauty may ipinost siya kamakailan na litrato niya na may caption na,
“2 weeks down , another 3 weeks to go. How is #LovingMissBridgette making you feel so far?
“What do you think will happen to Bridgette? What do you want to happen?
“I hope you are getting to love her as much as i have. I think she is every woman, Everyone of us is in her. Who wants a happy ending for her?” tanong pa niya sa kanyang followers.
Samantala, marami naman ang naaaliw sa mga litratong ipino-post niya na kuha sa Paris. Todo project talaga ang celebrity mom with her bonggang outfits.
“A tale of two temperatures. Quite challenging coming up with a practical OOTD over here coz it’s bright and sunny, yet once you walk on the shady side of the street the temperature drops about 5 degrees.
“Plus the constant walking warms your body then once stationary, cools down fast.
“So Bi-Polar dressing is the order of the day, tanggal tanggal Jacket, tawid tawid Kalye. Kaya today this thin Mini dress with kapal Sheerling Jacket,” ang caption ni Beauty sa kanyang post.
Sa isa pa niyang IG photo, ito naman ang nakalagay, “Are you ready boots? I love it when i get to use my old stuff.
“Well not super old these boots, i bought them around 4 years ago and never got to wear them, not in the real world anyway, occationaly i would get them out of the box and wear them around the house to show them love and to make sure they don’t brittle up and die.
“When the pandemic happened heel wearing became history so buhay box pa rin. Now is it’s time to shine, he he. Go Boots Go, pasyal tayo!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.