Medical corps ng AFP, PNP ipinahahanda para sa deployment dahil sa pagdami ng health workers na tinamaan ng COVID-19
File photo
INATASAN ni Pangulong Rodrigo Duterte ang Philippine National Police (PNP) at Armed Forces of the Philippines (AFP) na i-deploy ang medical corps sakaling kailanganin dahil sa tumataas na bilang ng health workers na tinatamaan ng COVID-19.
Ayon sa Pangulo, hindi maikakaila na marami sa health workers ang nagkakasakit at naoospital dahil sa pandemya.
Dapat umanong naka-standby ang medical corps ng PNP at AFP dahil sila ang madaling maasahan.
Bilang tugon, sinabi ni Defense Secretary Delfin Lorenzana na nag-deploy na ang kanilang hanay ng mga nurse sa St. Luke’s Medical Center.
Patuloy aniyang mangangalap ang AFP ng mga nurse sa probinsya para maipahiram sa Metro Manila.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.