Wendell Ramos umatras sa pagtakbong konsehal sa Maynila dahil sa pamilya

UMATRAS na ang aktor na si Wendell Ramos sa pagtakbo bilang konsehal sa Maynila sa darating na May 12, 2025 elections.

Kumakandidato si Wendell sa pagkakonsehal sa District 4 ng Sampaloc sa Maynila pero nagdesisyon siyang huwag nang tumakbo.

Sa pamamagitan ng kanyang Facebook page, sinabi ni Wendell na umatras na siya sa pagtakbo dahil sa commitment niya sa trabaho at sa pamilya.

“After careful consideration and heartfelt discussions with my family, manager, and network, I have made the difficult decision to discontinue my campaign due to prior work commitments and family matters,” ang mababasa sa kanyang FB post.

Baka Bet Mo: Wendell Ramos nagsisi nga ba nang tumakbong hubo’t hubad sa pelikula?

Ayon pa kay Wendell, noong January 31, 2025 pa siya nag-file sa Commission on Elections (COMELEC) ng kanyang withdrawal of candidacy.

Nagpasalamat din ang aktor sa lahat ng mga taong sumusuporta sa kanya, “I am deeply grateful to everyone who supported me, welcomed me, and believed in my programs even before I filed my withdrawal.

“Your trust and encouragement mean more than words can express.

“Thank you for your understanding and continued support,” sabi pa ni Wendell.

Matatandaang nag-file ng certificate of candidacy (COC) si Wendell noong October 5, 2024. Nakita namin siya noon sa pag-iikot sa Maynila ng tumatakbong mayor na si Sam Versoza.

Napapanood ngayon si Wendell sa Kapuso action series na “Lolong: Pangil ng Maynila” na pinagbibidahan ni Ruru Madrid.