CBCP sa nanawagan sa pagpili ng bagong Santo Papa: Iwasan ang ‘power play’

CBCP President Pablo Virgilio Cardinal David (PHOTO: Screengrab from Facebook)

TIYAKIN na walang “power play” sa pagpili ng bagong Santo Papa.

Ito ang naging panawagan ng presidente ng Catholic Bishops’ Conference of the Philippines (CBCP) na si Pablo Virgilio Cardinal David sa mga Pilipinong Katoliko.

Ang pahayag na ‘yan ay ibinandera sa social media sa gitna ng mga espekulasyon at online discussions kung sino ang pipiliin ng College of Cardinals bilang kapalit ni Pope Francis bilang pinuno ng mahigit isang bilyong Katoliko sa buong mundo.

“Like Christ who is fully divine and fully human, so too is his Body, the Church,” sey ni David.

Dagdag niya, “We must constantly ensure that its divinity is never eclipsed by the crassness of human power play, or obscured by traditional pomp and regalia that, though part of our history, are not always aligned with the essence and mission of the Church.”

Baka Bet Mo: ALAMIN: Sino ang posibleng maging bagong Santo Papa?

Binigyang-diin din ng CBCP president na ang eleksyon ng Santo Papa ay hindi isang political contest kundi isang spiritual discernment.

Hinikayat niya ang mga mananampalataya na magtiwala sa gabay ng Banal na Espiritu.

“Creating or sharing campaign videos, even with good intentions, risks turning a sacred discernment into a worldly spectacle,” wika niya.

Lahad pa niya, “It may inadvertently pressure or politicize the conscience of the electors, and distract from the silence and prayer needed to truly hear the voice of the Spirit.”

Pumanaw si Pope Francis noong April 21 sa edad na 88.

Ang kanyang funeral mass ay naganap noong Sabado, April 26, 4 p.m. (Manila time), na nagsilbing simula ng siyam na araw ng pagluluksa na tinatawag na “Novemdiales.”

Ang pagpili ng kanyang kapalit ay idadaan sa isang “conclave” o ang pagtitipon ng College of Cardinals.

Sa kasalukuyan, 135 sa 252 cardinals ang maaaring bumoto sa conclave para sa susunod na Santo Papa.

Isa sa mga kwalipikado si David, na siya ring Obispo ng Kalookan, pati na si Manila Archbishop Jose Advincula, at si Luis Antonio Tagle na dating Arsobispo ng Maynila at kasalukuyang miyembro ng Roman Curia sa Vatican.

Tinuturing si Tagle bilang isa sa mga popular na pangalan na maaaring mamuno sa Simbahan, ngunit nilinaw ng CBCP na hindi nila sinusuportahan ang anumang kampanya para sa kanya.