Birthday wish ni Inigo tinupad agad ng Hollywood actress; nag-celebrate sa set ng ‘Monarch’
Susan Sarandon at Inigo Pascual
HINDING-HINDI makakalimutan ng Kapamilya actor-singer na si Inigo Pascual ang selebrasyon ng kanyang kaarawan ngayong taon.
Kahit malayo sa kanyang pamilya at malalapit na kaibigan naging makasaysayan naman ang kanyang birthday nitong nagdaang Sept. 14 na ipinagdiwang niya sa Amerika.
Nasa Atlanta, Georgia ngayon ang binata para sa shooting ng Hollywood musical series na “Monarch” (Fox) kung saan gaganap siya bilang isang aspiring country singer mula sa Pilipinas. Makakasama niya rito ang Hollywood actress na si Susan Sarandon.
“It’s crazy. Honestly, hindi pa rin ako makapaniwala. Every time someone congratulates me about it, hindi pa rin nagsi-sink in sa akin na it’s happening. It all happened so fast ever since I did the audition,” pahayag ni Inigo sa panayam ng ABS-CBN.
Kuwento ng binata tungkol sa ginawa niyang audition para sa nasabing international series, “I had to sing two songs. One was a country song and one was a pop song.”
“Iba ‘yung feeling kapag nandito ka na kaharap mo na ‘yung mga producers, ‘yung director, yung mga co-stars mo. Sobrang nakakakaba.
“Nakaka-intimidate, pero ‘pag nakausap mo sila and to hear that they are all excited to be on this project, nae-excite ka rin and the more you want to do your best,” kuwento pa ni Inigo sa nasabing interview.
Patuloy pa ng anak ni Piolo Pascual, “Yung isa pa na I’m really excited about is ‘yung musical producer namin was the musical producer of ‘Glee’ and that’s what I am most excited about.
“Sobra rin akong nakaka-relate sa character ko, in many ways, and I can’t wait for everyone to see this. Sobrang ang daming parallel sa buhay ko du’n sa character ko,” dagdag pa ng binata.
Samantala, naibahagi nga ni Inigo ang pagse-celebrate niya ng birthday sa set ng “Monarch” pati na ang chikahan nila ng veteran Hollywood star na si Susan Sarandon.
“She’s honestly so sweet. I had this talk with her on my birthday. I celebrated my birthday on the set and I told her all I want for my birthday is a picture with you.
“Sabi niya ‘you’re so sweet.’ Tapos we had this conversation for 20 minutes and grabe sobrang down to earth na tao,” aniya pa.
Pinagbigyan naman ng Hollywood actress ang wish ni Inigo at pumayag na makipag-selfie sa aktor. Ipinadala naman ng binata sa ABS-CBN ang litrato nila ni Susan Sarandon na pinusuan at ni-like ng madlang pipol.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.