Jeremiah Tiangco nanawagan sa mga natatakot magpabakuna; bagong GMA primetime line-up babandera na

Jeremiah Tiangco, Legal Wives at The Penthouse cast

NANAWAGAN na rin ang Kapuso singer at “The Clash” grand winner na si Jeremiah Tiangco sa lahat ng mga Pinoy na natatakot at nagdadalawang-isip pa rin na magpabakuna kontra COVID-19.

Naturukan na ng 1st dose ng COVID vaccine si Jeremiah pati na ang ilang miyembro ng kanyang pamilya at looking forward na sila na maging fully-vaccinated na.

“Thankful ako kasi buong family namin naka-first dose na. Masaya po kami kasi kahit papaano nakapagbakuna kami, knowing na hindi pa rin safe ngayon. Grateful ako kasi may vaccine na kahit papano may vaccine na magbibigay ng assurance sa amin,” pahayag ng binata nang mag-guest sa Kapuso Brigade Zoomustahan.

“Actually kami rin naman doubtful din naman regarding sa vaccination pero nowadays kasi, ang message ko sa mga fans at Kapuso na natatakot pang magpabakuna, it’s time to face your fears kasi mas okay na safe ka kaysa ‘yung sinasabi mo lang sa sarili mo na safe ka. 

“Prayers will work, kapag nagdarasal ka sa Panginoon na maging safe ka, eto na ‘yung sagot sa dasal mo, to be safe para maging safe rin ‘yung family mo and people tao around you,” aniya pa.

Samantala, inamin ni Jeremiah na super miss na niya ang mag-perform nang live sa GMA Studios, “Siguro ang pinakanami-miss ko talaga is ‘yung live audience. Short period of time lang kami nagkaroon ng live audience dati since nag-lockdown nung March 2020. 

“Ang pinakanami-miss ko talaga is ‘yung live audience kasi iba talaga ‘yung nabibigay na energy,” dagdag pa ni Jeremiah.

* * *

Aariba na ang back-to-back-to-back primetime treats ng GMA 7 para sa Kapuso viewers ngayong Lunes, sa mga bagong timeslot ng “Legal Wives,” “Endless Love” at “The Penthouse Season 2”. 

Simula ngayong gabi, mapapanood na sa mas maagang oras (8 p.m.) after “24 Oras” (with simulcast airing on GTV and Heart of Asia channels) ang hit milestone family drama series na “Legal Wives” nina Kapuso Drama King Dennis Trillo, Alice Dixson, Andrea Torres at Bianca Umali. 

Sa pagpapatuloy ng kuwento nito, pumayag na si Diane (Andrea) na makasama sa isang bahay sa Manila ang first wife ni Ismael (Dennis) na si Amirah (Alice) at anak nitong si Jamillah (Shayne Sava).

Matensiyon ang unang pagkikita ng dalawang asawa ni Ismael. Ano kaya ang mangyayari kapag ipinakilala na sa kanila si Farrah (Bianca) na mukhang buntis na nga ngayon.

Samantala, tuloy pa rin ang aktingan showdown sa rerun ng Philippine adaptation ng hit South Korean series na “Endless Love” at 8:50 p.m.. The series is top-billed by Kapuso Primetime King and Queen Dingdong Dantes and Marian Rivera as Johnny and Jenny together with Dennis Trillo as Andrew and Nadine Samonte as Shirley.

Meanwhile, prepare to get hooked as the second season of the multi-awarded and top-rating South Korean drama series “The Penthouse” brings more suspenseful and engrossing nights starting this Monday at 9:35 p.m.. 

Ang “The Penthouse” ay pinagbibidahan ng mga sikat na K-drama stars na sina Lee Ji-Ah as Simone, Kim So-Yeon as Scarlet, Eugene as Cindy, Uhm Ki-Joon as Dante, Yoon Jong-Hoon as Anton, at Park Eun-Seok bilang si Logan. 

The series continues with the story of wealthy families living in Hera Palace and their children at Cheong-ah Arts School, who have all become more wicked as their secrets are about to be revealed.

The season focuses on Simone’s (Ji-Ah) secrets and the aftermath of her death, Cindy’s (Eugene) revenge, Scarlet’s (So-Yeon) downfall, and the Hera Palace kids who want to be the best and win the grand award at the Cheong-ah Arts Festival.

Kaya huwag na huwag aabsent sa pinakamatinding GMA Telebabad primetime lineup simula ngayong gabi pagkatapos ng “24 Oras”.