Angel: Ang pakiusap ko lang, let’s protect Dimples Romana at all cost!

Angel Locsin, Neil Arce at Dimples Romana

“SI DIMPLES Romana lang ang Sakalam!” Yan ang siguradong isisigaw ng mga supporters at fans ni Angel Locsin dahil sa pagiging best BFF ever.

Todo ang ipinaabot na pasasalamat ng bagong kasal na sina Angel at Neil Arce sa best friend nilang si Dimples na talagang nag-effort para maging witness sa kanilang intimate civil wedding.

Sa kanyang Instagram account, ibinahagi ng Kapamilya TV host-actress ang kanyang appreciation post para kay Dimples.

Inasar-asar pa ni Angel ang kaibigan dahil sa pag-iyak nito habang ginaganap ang kasal nila ni Neil, “Excuse me… are you the mother?”

Kasunod nito, ibinahagi rin ng bagong kasal na aktres ang nakakaaliw na palitan nila ng mensahe ni Dimples nang tanungin niya ito kung pwedeng tumayo bilang isa sa mga witness sa kanyang wedding.

Angel: “Mars? Pwede ka bang mag witness? Kailangan pala hehe.

Dimples: “Oo naman. Anong kailangan mo? Anong isusuot?

Angel: “Kahit ano lang. jeans.

Dimples: “Wala kang kwentang kausap. Di nga?

Angel: “Pants lang mars. Kung ano lang ang suot mo. Kahit naka-slippers.

Dimples: “Sa harap ng mayor, naka-tsinelas?! Mag-ayos ka naman!”

Sa huli, nagbigay din ng maikli ngunit super sweet na message si Angel para kay Dimples na makikita nga sa mga litrato na umiiyak.

“Ang pakiusap ko lang, let’s protect Dimples Romana at all cost. Mahal na mahal ko yan,” hirit ng misis ni Neil.

In fairness, natupad ang wish ni Angel na magkaroon ng simple at intimate na civil wedding kung saan nakasuot ang bride at groom ng matching black and white casual, chic outfits.