Maureen Wroblewitz sa pagsali sa Miss Universe PH: Not so sure yet, but…
WALANG diretsong sagot na ibinigay ang Asia’s Next Top Model Cycle 5 (2017) winner na si Maureen Wroblewitz kung sasabak na rin siya sa mga beauty pageant.
Mainit na pinag-uusapan ngayon sa social media na posibleng mag-join ang dalaga sa gaganaping Miss Universe Philippines 2021 anytime this year.
Ito’y matapos ngang lumabas ang litrato niya sa social media kasama ang isa pang beauty queen. Ang chika, kasama si Maureen sa mga nag-audition para makasama sa beauty pageant camp para sa susunod na Miss Universe Philippines.
Kumalat sa socmed kamakailan ang selfie ng beauty queen na si Chella Grace Falconer na mula sa Misamis Oriental kasama si Maureen. Dito, kinumpirma ng nag-upload ng photo na kasama si Maureen sa ginanap na Aces and Queens (pageant trainer) screening.
Sabi sa caption, “Miss Kuyamis 2019, Chella Grace Falconer does a selfie with Asia’s Next Top Model, Maureen Wroblewitz.
“Interestingly, Maureen was one of the judges during the Miss Kuyamis 2019 coronation night won by Chella.
“Now, they are on an equal footing with each other as they aspire to join the Miss Universe Philippines 2021 pageant.”
Ang papasa sa screening ng Aces & Queens ay sasabak naman sa gaganaping Miss Universe Philippines 2021 audition.
Sa ginanap na virtual mediacon kahapon para sa mga bagong talents ng Star Magic kung saan isa nga si Maureen sa mahigit 40 celebrities na pumirma ng kontrata, natanong ang international model tungkol dito.
Tugon ng girlfriend ng young singer na si JK Labajo, “I’ve always considered joining a pageant. As in my other interviews, I’ve always said I’ve considered it.
“That I’m not closing any doors and I did say when I feel ready that I would consider it.
“I think being in a pageant gives women such a great platform to speak up to talk about what they believe in and their values, I mean I would say why not,” paliwanag ng dalaga.
Hindi rin niya diretsahang sinagot ang tanong kung sasabak na rin ba siya sa national pageant this year, “Not so sure yet, because this is the year I’ve heard that you have the least preparation time. And I really wanna be ready if I do join.”
Una ngang nakilala si Maureen sa modelling world matapos itanghal na Asia’s Next Top Model Cycle 5 grand winner noong 2017.
Kasunod nito, naging co-host din siya sa “Eat Bulaga” noong 2018 ngunit bigla ring nawala makalipas ang ilang buwan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.