Sa pagdiriwang ng Araw ng Kagitingan, Globe patuloy ang suporta sa HERO Foundation scholars

MANILA, Philippines – Maraming iskolar ng HERO Foundation ang hindi makasabay sa bagong educational set-up dahil sa kahirapan at kawalan ng maayos na internet connection.

Habang ipinagdiriwang ng buong bansa ang Araw ng Kagitingan, kaisa ng Globe ang HERO Foundation para tulungan ang mga batang mag-aaral na naulila ng mga sundalo. Ito’y sa pamamagitan ng internet connection para sa distance learning.

Bilang suporta sa 260 na scholar, binigyan ng Globe ng Globe At Home Prepaid WiFi modem at load subsidy na P1,000 ang bawat isa.

“Sa panahong ito, hindi lamang natin inaalala ang kagitingan ng ating mga sundalo na nagbuwis ng kanilang buhay para sa bansa. Nais din naming ipahayag ang aming pasasalamat sa kanilang katapangan at sakripisyo sa pagtulong sa kanilang mga anak na makapagpatuloy ng edukasyon, sa pamamagitan ng pagbibigay ng internet connection at suporta sa iba pang teknolohiya,” ayon kay Yoly Crisanto, Globe Chief Sustainability Officer at SVP para sa Corporate Communications.

Ang HERO Foundation ay kumakatawan sa Help Educate at Rear Orphans. Ito’y isang non-stock, non-profit na samahan na nilikha noong 1988 ng maraming kilalang lider ng negosyo gaya ni Don Jaime Zobel de Ayala.

Ang Armed Forces of the Philippines – Educational Benefit System Office ay umaasa sa suportang pampinansyal ng pundasyon para mapanatili ang mga naulila ng militar sa paaralan sa pamamagitan ng pagsagot sa matrikula, kagamitan sa klase, transportasyon, pagkain, at iba pang mahahalagang pangangailangang pang-edukasyon ng mga mag-aaral.

Bukod sa mga modem at prepaid load, ang HERO Foundation ay nakatakda nang maging beneficiary ng Globe Rewards ngayong taon. Ang bawat Rewards point na ibinibigay ng isang customer ng Globe sa kanilang napiling samahan ay katumbas ng piso. Sa ngayon, ang mga donasyon ay maaaring maibigay sa HERO Foundation sa pamamagitan ng GCash.

Sa kasalukuyan, ang mga loyal na customer ng Globe ay maaaring magbigay ng kanilang mga Rewards points sa iba’t-ibang mga samahan, kabilang ang Hineleban Foundation, Save Philippine Seas, PAWS Philippines, NGF (Hopeline), PGH Medical Foundation, Walang Iwanan Alliance, JCI Manila, Ayala Foundation, Rotary Foundation, at SVD Moments with Fr. Jerry Foundation, Inc.

“Sa kabila ng walang katiyakang hinaharap na nararanasan natin dahil sa kasalukuyang pandemya, nais naming masiguro na ang mga HERO scholars ay ipagpapatuloy pa rin ang kanilang edukasyon,” sabi ni Victor Bayani, Executive Director ng HERO Foundation.

Ang pundasyon sa ngayon ay nakatulong na sa halos 3,000 na ulila na matapos ang kanilang pag-aaral at ituloy ang kanilang mga pangarap sa buhay. Mahigit 1,200 sa mga iskolar na ito ang nagtapos na sa kolehiyo at ngayon ay mga tagapangalaga ng kanilang pamilya. Alamin ang tungkol sa iba’t ibang mga paraan para makatulong sa www.herofoundation.com.ph.
Masidhing sinusuportahan ng kumpanya ang mga Sustainable Development Goals ng United Nations, partikular ang UN SDG No. 4 ukol sa pagkakaloob ng de-kalidad na edukasyon at UN SDG Blg. 9 na nagpapakita ng mga papel na ginagampanan ng imprastraktura at pagbabago bilang kritikal na mga driver ng paglago at pag-unlad ng ekonomiya. Nakatuon ang Globe na itaguyod ang 10 prinsipyo ng United Nations Global Compact at 10 UN SDGs.
Para sa karagdagang impormasyon tungkol sa sustainability efforts ng Globe, bisitahin ang https://www.globe.com.ph/about-us/sustainability.html#gref