Mayor Isko, pinayagan na sa 10% capacity sa mga simbahan sa Maynila

Manila PIO photo

Sang-ayon si Manila City Mayor Isko Moreno sa desisyon ng Archdiocese of Manila na ipatupad ang 10-percent seating capacity sa mga simbahan sa lungsod.

Sinabi ng alkalde na sang-ayon siya sa pastoral letter ni Bishop Broderick Pabillo kung saan sinabi nitong, “we will not have any religious activity outside of our churches such as senakulo, pabasa, processions, motorcades and Visita Iglesia.”

“But within our churches starting March 24, we will have our religious worship within 10% of our maximum church capacity,” ayon kay Pabillo at dagdag pa nito, “Let the worshipers be spread apart within our churches, using the health protocols that we have been so consistently implementing.”

Ngunit, pinaalalahanan ng alkalde ang mga Katoliko na sundin ang basic health protocols tulad ng pagsusuot ng face masks at face shields, at physical distancing.

Nagpasalamat naman si Moreno sa mga simbahan matapos pumayag na mai-livestream sa Facebook ang mga misa para sa mga Katoliko na makikiisa sa religious activities.