Epal na basher sunog kay Kris: Ano’ng ginawa ko…is my son a robot? Bakit ka maaawa sa anak ko?

HINDI pinalagpas ng Queen of All Media na si Kris Aquino ang pambabatikos sa kanya ng ilang netizens bilang nanay nina Joshua at Bimby.

May ilang bashers kasi na kumuwestiyon sa pagiging ina niya at siya pa ang sinisi kung bakit nabu-bully ngayon si Bimby sa social media.

Nagsimula ito sa isang video na ipinost ng TV host-actress sa Instagram kung saan nagchichikahan sila ng bunsong anak tungkol sa mga qualities na hinahanap niya sa kanyang magiging future daughter-in-law.

At dahil nga rito, marami ang nag-comment against Bimby at ilan sa kanila ay nagduda sa gender ng bagets na inalmahan din ni Kris. Nag-post na siya ng kanyang official statement about this at kinondena ang mga nanghuhusga sa sexual preference ng bunsong anak.

Isang IG user naman ang nagkomento sa nasabing post ni Kris at nagsabing, “Naawa ako sa anak mo you should not have done that in front of the camera or much better did not post that video.”

Agad naman itong sinagot ni Kris ng, “Here we go, blame the mother… ‘you should not have done that or much better did not post that video’.

“1. What did i do? 2. Is my son a robot? 3. Bakit ka maaawa sa anak ko- i showed him all the negativity being thrown his way because that’s how my mom trained me (although in my teen years tabloid and broadsheets pa lang BUT i was shown nevertheless to strengthen my backbone).

“AND i had the ‘balls’ to personally apologize to my bunso for the price he must pay for being my son. 4. He read everything AND took it like an Aquino. Because we know how to endure. And more importantly, we don’t point fingers at each other,” matapang pang bwelta ng award-winning TV host.

Kinuyog naman ng ilang fans ni Kris ang hater, sabi nga ng isa sa kanila, “You are not be blame and feel sorry for being their mother, you are a great and amazing mother kinaya mo lahat ng pagsubok mo sa buhay till now kagaya ng mga bashers na walang magawa kundi manira ng buhay ng iba.

“May mga tao lang talaga na walang utak purok hate lang ang nasa puso nila, parang mga santa sila na perfect ang buhay nila.”

Pero hindi pa rin nagpatalo ang basher ni Kris at bumabat pa ng, “Kaw mismo ang pumuna sa manerism na it is a giveaway sa mga nanunuod sabi nga ng nanay mo you cannot have it all kris. D mo din mapigilan ang comment ng mga tao.

“Blame your editors who failed to edit that one. Plus your comment on Bimby’s hands. That’s a giveaway already sa mga nakapanood. Sanay ka naman iladlad buhay mo sa media dba pero ung bata walang kalaban laban nakutya tuloy sa buong mundo dahil lng sa post na yan.

“May instagram handler ka dba? Or nageedit ng video blame them before ka magalit sa mga taong pumuna sa video. Dahil hindi sana nangyari yan kung hindi pinost mo o mg editor mo,” paninisi pa nito kay Tetay.

May nagtanggol din kay Kris at sa dalawa niyang anak na nag-comment ng, “People nowadays… Please stop any form of bullying, not just for Ms. Kris’ children, but to any children of this generation. You don’t know what harm it may cause to their mental health.”

Nag-reply naman si Kris sa kanya at nagpasalamat, “Thank you… you’re messaging is 100% correct. what happened to my sons is magnified because of who we are BUT i know how many children suffer. You now have given me an advocacy i can truly embrace & embody.”