Vin, Sophie 2 beses nagpa-gender reveal party: It’s a girl!

DALAWANG gender reveal party ang isinagawa ng engaged couple na sina Vin Abrenica at Sophie Albert para sa kanilang first baby.

Ang una ay ginanap kasama ang pamilya ni Vin habang ang pangalawa ay para naman sa mga kamag-anak ni Sophie. Ito’y bilang pagsunod na rin sa health and safety protocols na ipinatutupad ng pamahalaan kontra Covid-19.

And yes, masayang ibinandera ng celebrity couple at future mommy and daddy na ang unang magiging anak nila ay isang baby girl.

“It’s a girl!” ang sabay na ipinagsigawan nina Vin at Sophie sa kanilang “twin gender reveal.” At siyempre, tuwang-tuwa rin ang kanilang respective families sa kanilang announcement.

Sa ipinost na video ng Kapamilya hunk actor sa kanyang Instagram account, ipinaliwanag nga niya kung bakit nagdesisyon silang magsagawa ng gender reveal.

“As much as we would have all wanted to be together, we had 2 separate get-togethers for the Reyes (last name ni Sophie) family and the Abrenica family to keep everyone safe.

“Very different celebrations but both equally fun!” chika pa ng utol ni Aljur Abrenica sa kanilang video na kinunan pa last November, 2020.

Kung matatandaan, mismong Valentine’s Day nang ibalita nina Vin at Sophie na magkakaroon na sila ng baby.

Sa isa niyang IG post kung saan makikita ang baby bump ni Sophie, sinabi ni Vin na hindi na siya makapaghintay masilayan ang itsura ng kanilang “precious little one, “Ahhhh! I can’t wait! Gigil!”

At tulad ng kanyang fiancé, atat na atat na rin si Sophie na maisilang ang kanilang panganay kasabay ng pangakong gagawin niya ang lahat para maging mabuting nanay.

“Thank you everyone for your all warm wishes. Our hearts are full,” sey pa ng aktres.

Bago nila ibinandera ang tungkol sa pagbubuntis ni Sophie, ibinalita muna nila ang kanilang engagement.

“You’ll never know when you are truly ready until you realize who you’re living and breathing for. It’s you @itssophiealbert.

“We’ve grown up together and I look forward to growing old together. Good luck @itssophiealbert, you are stuck with me for life. We’re engaged!!” sabi ni Vin sa kanyang IG post.

Mensahe naman ni Sophie, “Before 2020 came to an end, the love of my life proposed to me. Despite all the challenges we had to face, we were able to close the year filled with so much hope and love as amazing surprises happened in our lives.

“We’ve been savoring our precious moments and we are ready to share our joy and excitement! WE ARE ENGAGED!

“Thank you @vinabrenica for everything. Thank you for being you and for making everything special. I am blessed to have you as my best friend for life,” pahayag pa ng aktres.