Kilalang celeb na natalo sa MMFF 2020 Gabi Ng Parangal nagmamaktol, masama ang loob

BAGAMAT nakangiti ang isa sa nominadong artista sa Metro Manila Film Festival 2020 ay masama ang loob nito dahil hindi siya nanalo sa kategoryang kasama siya.

Kilala naman kasi ang artistang ito sa larangan ng pag-arte at talagang marami na rin siyang acting awards mula sa mga dati niyang pelikula.

Kaya bukod sa kanya ay marami ang nagtatanong kung bakit tila hindi man lang napansin ang husay nito sa entry niya sa MMFF.

Pero ang co-nominees ng artistang ito ay tanggap na ang kanilang pagkatalo dahil mahusay din naman talaga ang winner na tumalo sa kanila.

At higit sa lahat, hindi naman puwedeng sila na lang lagi ang mapapansin kapag may film festival.

Kailangan din namang bigyang parangal ang ibang artista lalo pa kung talagang magaling at deserving naman.

Ang masama kung pinanalo ng MMFF judges ang isang nominado na kuwestiyonable naman ang ipinakitang performance. Yun ang hindi katanggap-tanggap.

Maging ang producer ng pelikula na kasama ang nominadong artista ay nagtataka kung bakit hindi nanalo ang bida niya.

Naniniwala siya na ibinigay din nito ang lahat para mabigyan ng hustisya ang ginampanang role sa pelikula nila.

Pero hindi naman masama ang loob ng produ dahil may mga inquiry na agad ang pelikula niya na gustong bumili nito sa malaking halaga.

Anyway, may bago uling project ang producer at plano ulit niyang isama ang artistang masama ang loob na hindi nanalo sa MMFF 2020.