Una at ikalawang landfall ni Typhoon Quinta, naganap sa Albay

Pagasa

Dalawang beses na nag-landfall sa lalawigan ng Albay ang Bagyong Quinta ngayong Linggo ng gabi, apat na oras matapos na ito ay mabilis na lumakas at maging isang ganap na typhoon.

Unang landfall ni Typhoon Quinta ay naganap eksaktong 6:10 ng gabi sa San Miguel Island, Tabaco City, sa Albay, ayon sa pinakahuling ulat ng Philippine Atmospheric, Geophysical and Astronomical Services Administration.

Pagkatapos ng 40 minuto, naganap ang ikalawang landfall sa Malinao, Albay.

Nauna nang itinaas ang typhoon signal sa iba’t ibang bayan ng Luzon at sa Kabisayaan habang patuloy na lumalakas si Quinta habang patuloy itong tumatahak sa pa-kanlurang direksyon.

Nagbabala rin ang Pagasa na maaaring magdulot si Quinta ng storm surge na may taas na mula isang metro hanggang dalawang metro sa mga baybaying bahagi ng Northern Samar, Bicol Region, at sa gitna at katimugang bahagi ng Quezon.

Nakataas ang Signal No. 3 sa Catanduanes, silangang bahagi ng Camarines Sur (Goa, Ocampo, Bula, Lagonoy, Garchitorena, Caramoan, Presentacion, San Jose, Tigaon, Sagnay, Buhi, Iriga City, Baao, Nabua, Bato, Balatan), Albay, Sorsogon, at Burias at Ticao Islands.

Ipinailalim naman sa Signal No. 2 ang mga bayang ito sa Luzon: Camarines Norte, nalalabing bahagi ng Camarines Sur, Masbate, ang gitna at katimugang bahagi ng  of Quezon (Mauban, Sampaloc, Lucban, Dolores, Candelaria, Tiaong, San Antonio, Sariaya, Tayabas City, Lucena City, Pagbilao, Atimonan, Perez, Alabat, Calauag, Quezon, Tagkawayan, Guinayangan, Lopez, Pitogo, Plaridel, Gumaca, Unisan, Agdangan, Padre Burgos, Macalelon, Catanauan, General Luna, Buenavista, San Narciso, Mulanay, San Andres, San Francisco), ang katimugang bahagi ng Laguna (Paete, Kalayaan, Lumban, Cavinti, Luisiana, Majayjay, Liliw, Rizal, Nagcarlan, San Pablo City, Alaminos, Magdalena, Pagsanjan), Batangas, Marinduque, Romblon, Oriental Mindoro, at Occidental Mindoro, kasama na ang Lubang Island. Sa Visayas, nakapailalim sa Signal No. 2 ang Northern Samar.

Nasa Signal No. 1 sa Luzon ang mga sumusunod na bayan: Nalalabing bahagi ng  Quezon, nalalabing bahagi ng Laguna, Rizal, Cavite, Metro Manila, Bulacan, Pampanga, Bataan, katimugang bahagi ng Zambales (San Marcelino, San Felipe, San Narciso, Castillejos, Subic, San Antonio, Olongapo City, Botolan, Cabangan), at Calamian Islands.

Sa Visayas, nakapailalim sa Signal No. 1 ang hilagang bahagi ng Samar  Samar (Calbayog City, Matuguinao, Tagapul-An, Santo Nino, Almagro, Santa Margarita, Gandara, San Jose de Buan, Pagsanghan, Tarangnan, San Jorge, Catbalogan City, Jiabong, Motiong, Paranas), ang hilagang bahagi ng  Eastern Samar (Maslog, Jipapad, Arteche, San Policarpo, Oras, Dolores, Can-Avid, Taft), ang hilagang bahagi ng Capiz (Sapi-An, Ivisan, Roxas City, Panay, Pilar, Pontevedra, President Roxas), Aklan, ang hilagang bahagi ng Antique (Caluya, Libertad, Pandan, Sebaste, Culasi), at ang hilaga-silangang bahagi ng Iloilo (Batad, Balasan, Estancia, Carles).