Kris ka-join sa ‘Crazy Rich Asians’ sequel: OMG! I hope it happens!
MISMONG ang author na ng pelikulang “Crazy Rich Asians” na si Kevin Kwan ang nagsabing ka-join uli si Kris Aquino sa sequel nitong “China Rich Girlfriend.”
Ginampanan ni Kris ang role ni Princess Intan sa “Crazy Rich Asians” kaya ang tanong ng madlang pipol kung magkakaroon uli siya ng special participation sa part 2 nito.
Kahit maikli lamang ang exposure ni Kris sa nasabing international movie na ipinalabas noong 2018, naging mahalaga naman ang karakter niya sa kuwento at in fairness, ilang minuto ring bumabad ang camera sa kanya.
Nagbigay ng update ang TV host-actress tungkol dito sa nakaraang mediacon ng isang online shopping app na bago niyang ineendorso. Aniya, nakapag-usap na sila ni Kevin Kwan about this project.
“I asked him because the opening of ‘China Rich Girlfriend’ is the wedding. And then I was asking him, ‘Am I going to be at the wedding? Is Princess Intan invited to the wedding?’
“And he said, ‘Of course! Because you’re the one who gave her (Rachel Chu, ang lead character sa movie na ginampanan ni Constance Wu) the validation in ‘Crazy Rich Asians’. So I said, ‘Oh my gosh, I hope it happens!’” pahayag ni Kris.
Kamakailan, naikuwento ng sikat na Singaporean-American novelist na tinawagan niya si Kris para manghingi ng advice sa ilang character sa bago niyang librong “Sex and Vanity.”
Ayon kay Tetay, ginamit pa nga ni Kevin ang pangalan niya bilang isa sa mga Filipino characters sa “Sex and Vanity.”
“He said that, ‘I would imagine that was when your mom went to school.’ And I said, ‘My mom went to St. Scholastica, then she went to Assumption, and then she went to school in the States. And then he used the schools in the States where my mom went.
“Because my mom went to this school in Philadelphia where Princess Grace of Monaco actually went, so that’s included in the book,” kuwento ng award-winning TV host.
Patuloy pa niya, “The sisters who are there (sa libro) they have a cousin named Kris who owns the biggest talent agency in the Philippines. And then they were telling the girl that she could be a model and that Kris is me. And I said, ‘Thanks, Kevin!’”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.