#WalangSignal: Dingdong bumibiyahe pa ng ilang kilometro makausap lang si Marian, 2 anak

ILANG araw nang nagte-taping ang cast ng “Descendants of the Sun PH” sa Rizal para sa upcoming fresh episodes ng Kapuso primetime series.

Sa latest Instagram post ng lead star ng serye na si Kapuso Primetime King Dingdong Dantes, ikinuwento niya ang naging experience ng buong team sa pagbabalik-trabaho under new normal.

Aniya, “We are at Day 7 of our lock-in shoot here in Rizal to finish Descendants of the Sun PH.

“The initial few days of the shoot [were] challenging because we were all adjusting to the new protocols.

“Pero bonus talaga that the team has already established a good and smooth working relationship, kaya naging mas madali ang adjustment,” aniya pa.

Ayon sa aktor na gumaganap bilang si Big Boss, dahil sa kanilang location ay hirap din silang magkaroon ng malakas at maayos na signal connection. Kaya naman naghahanap pa siya ng tamang lugar para kumustahin ang kanyang pamilya.

“So, today is rest day, and I had to ride a few kilometers to get some signal within the property.

“Kahit mahirap ang connection, its time to check on my family – my wife and kids, who I truly miss; @dingdongph which has an on going dry run; and @aktorph. I hope you and your loved ones are also healthy and safe over there,” mensahe pa ng mister ni Marian Rivera.

* * *

Nag-post din ng behind-the-scene pictures sa Instagram ang ilang cast members ng “Descendants of the Sun PH”?

Isa si Jon Lucas o si Harry Potter sa serye na nagbahagi ng kanilang group photo ng Alpha Team.

Aniya, “Always better when we’re together.”

Si Rocco Nacino naman ay pinost ang litrato ng kanyang uniform na may caption na “Wolf is Back. See you all soon on GMA Telebabad.”

Komento ng netizens, excited na silang mapanood ang fresh episodes at looking forward na sila para sa comeback ng “Descendants of the Sun PH” sa GMA Telebabad.