OPM artist Paolo Santos hindi kakanta sa online concert para kay Duterte
MARIING pinabulaanan ng OPM artist na si Paolo Santos na kasali siya sa online concert para kay President Rodrigo Duterte.
Isa ang pangalan ni Paolo sa nakalista sa mga nakatakdang mag-perform sa nasabing event na alay sa Pangulo na magaganap sa Aug. 30 na may titulong “Singing for the President.”
Sa kanyang Facebook post, ipinaalam niya sa publiko na wala siyang alam dito at hindi totoong kakanta siya para kay Duterte, “To avoid any confusion and to clarify to my friends and family concerned.”
“It has come to my attention that an announcement is going around saying I am one of the participants in a concert scheduled for August 30 called ‘Songs for Duterte.’ I’d like to make it clear here that I am not participating in it and have nothing to do with it.
“I thank those who called my attention to it and showed concern. You can catch news of my future performances and schedule on this page. Thanks everyone and stay safe!” aniya pa.
Bukod kay Paolo, isa pa sa nawala sa list of performers sa nasabing online concert ay ang “The Voice of the Philippines” alumnus na si Thor Dulay.
Kamakailan, ibinandera ng singer-composer na si Jimmy Bondoc na kilala ring loyal supporter ng Pangulo, gagawin nila ang online concert para mapasaya at aliwin si Duterte sa gitna ng patuloy na pakikipaglaban ng gobyerno sa COVID-19.
“Mahal naming Pangulong Duterte, gusto po namin kayo anyayahan panoorin ang aming online concert para sa inyo. We just want to sing for you.
“To be honest, you look very tired. Kami po ay nasasaktan para sa inyo, so we want to sing for you, just like the good old days,” aniya pa.
Ang ilan sa mga nakatakdang mag-perform sa online concert ay sina Mocha Uson, Arnell Ignacio, Dulce, Chad Borja, Njel de Mesa, Moymoy Palaboy, Imelda Papin at marami pang iba.
“Kahit sila po ay pagod na pagod na, alam po namin na mas pagod kayo. It really shows. And we just want to sing for you,” aniya pa.
“Kantahan naman natin si Pangulo. He looks very tired. And I think kahit paano, we can serve him, and serve the country in our small way through music, and to bring peace and love again to social media,” dagdag ni Jimmy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.