Aiko ayaw tumigil sa pagpapaseksi: Binibilang ko talaga ang kinakain ko, ganu’n ka-wild!

KALKULADO at takal na takal ang mga kinakain ngayon ng Kapuso actress na si Aiko Melendez.

Talagang nagpapasabog ng kaseksihan ngayon ang award-winning actress sa social media na puring-puri naman ng mga netizens.

Maraming nanay ang umiidolo ngayon kay Aiko dahil sa ginagawa niyang pag-aalaga sa kanyang katawan.

Siya ngayon ang inspirasyon ng mga mommy sa pagiging fit, sexy and healthy. At yan naman talaga ang isa sa objective ng aktres sa pagse-share niya ng kanyang sexy photos sa social media.

Very generous din siya sa pagbabahagi ng kanyang sikreto kung paano niya na-achieve ang pagiging fit ngayong panahon ng quarantine. Kabilang na nga riyan ang pagbabantay sa kanyang calorie intake.

“I went as low as 500 calories on my first month, ganoon ka-wild talaga,” sabi ni Aiko sa panayam ng GMA.

“‘Yung discipline ko talaga, itinaon ko, quarantine tayo ngayon, at least sa bahay lang ako, monitored ko ‘yung pagkain ko.

“I have to prepare my meal, kina-count ko ‘yun, may app ako to count the food I eat. Disiplinado, and the lifestyle talaga, I had to change it,” aniya pa.

Ibinahagi rin ni Aiko ang kanyang weight loss journey sa isa niyang vlog, kung saan inamin ng “Prima Donnas” actress na nakarinig pa siya ng masasakit na salita mula sa bashers.

“Nandiyan ‘yung tinawag nila akong mukhang nanay, eh nanay naman talaga ako. Proud ako na nanay ako ni Andre at ni Martina.

“Mukha raw akong aparador, ine-edit ko daw picture ko, eh wala naman akong time mag-edit at hindi ako marunong mag-edit ng picture,” diin ni Aiko.