‘Mas magandang manahimik na lang si BB Gandanghari’

DEDEDMAHIN lang ni Carmina Villaroel ang mga pinagsasasabi ngayon ng dating Rustom Padilla sa social media.

    Ewan naman kung anong kalungkutan ang lumulukob ngayon kay BB Gandanghari para muling sariwain ang kanilang relasyon ng aktres.

    Kung nu’n ngang naghiwalay sila at pumasok sa eksena si Zoren Legaspi ay wala tayong anumang narinig mula kay Carmina, ngayon pa ba naman siya magsasalita, ngayong halos kalimutan na nga ng kasaysayan ang kanilang nakaraan?

    Ngayon pa ba magkukuwento si Mina, ngayong nagpapanggap nang babae ang kanyang dating asawa, ngayong parang magkamukha na nga silang dalawa?

    Hindi lang epekto ng lockdown ang kalungkutang nararamdaman ngayon ni BB Gandanghari, mas malalim pa du’n ang dahilan, kaya kung anu-ano ang ipino-post nito ngayon.

    Tama bang away-awayin nito si Vice Ganda? Siyempre, hindi rin naman papatol sa kanya ang sikat na komedyante, deadmatology lang ang Viceral dahil bakit nga naman ito magsasayang ng panahon sa kanyang mga kuda?

    Nananahimik na si Carmina, maligaya na siya sa piling ni Zoren at sa kanilang kambal, huwag na sana silang guluhin ng mga alaalang pinagsasasabi ng dating Rustom Padilla.

    Si BB Gandanghari na rin naman ang nagdiin na patay na si Rustom Padilla, si BB Gandanghari na ang nasa mundo ngayon, kaya bakit pa nito binabalik-balikan ang kanilang nakaraan ni Carmina?

    Mas magandang manahimik na lang si BB Gandanghari, lalong hindi magugustuhan ng kanyang pamilya ang mga nagaganap ngayon, mabibigo lang ang kanyang pag-asang susuportahan na ng kanyang ina at mga kapatid ang bagong mundong meron ito ngayon.