ARESTADO ang tatlo katao nang mahuling nagbibiyahe ng aabot sa P6.36 milyon halaga ng marijuana, sa Bontoc, Mountain Province, kagabi.
Nadakip sina Wilfredo Magbanua Jr., 34; Noli Navales, 38; at Mary Grace Lunas, 34, pawang mga taga-Dasmarinas City, Cavite, ayon sa ulat ng Bontoc Police.
Naharang ng mga pulis at tauhan ng Philippine Drug Enforcement Agency ang tatlo sa checkpoint sa Sitio Finew, Brgy. Samoki, alas-11:15.
Sakay sina Magbanua ng kulay maroon na Mitsubishi sedan, kung saan natagpuan ang 53 marijuana bricks na may bigat na aabot sa 1 kilo bawat isa, ayon sa ulat.
Nahaharap ngayon ang mga suspek sa kasong paglabag sa Comprehensive Dangerous Drugs Law.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.