Sylvia nakagawa ng paraan para sa surprise 18th b-day party ng anak

HINDI naging hadlang ang COVID-19 pandemic at community quarantine para mabigyan ng surprise birthday party ni Sylvia Sanchez ang anak na si Gela.

Of course, nakatuwang ng award-winning Kapamilya actress ang kanyang pamilya at mga kasama sa bahay sa pag-organize ng 18th birthday celebration ng anak.

Simple man ang naging selebrasyon ng debut ni Gela mukhang happy at nag-enjoy naman siya sa munting pasorpresa sa kanya ng kanyang family.

Sa kanyang Instagram account, ibinahagi nga ni Sylvia ang isang video kung saan mapapanood ang pagpasok nila sa kwarto ni Gela para pormal siyang i-welcome sa pagiging legal age at pagkadalaga.

Makikita sa video si Ibyang at asawang si Art Atayde na may hawak na white tulips para ibigay sa kanilang anak habang sumusunod naman si Ria na may dala-dalang  chocolate cake with matching  candles na nakatusok sa ibabaw.

Nandoon din ang dalawa pang anak nina Sylvia at Papa Art na sina Arjo at Xavi with the other members of their family.

Isa-isa silang lumapit sa dalaga at iniabot nga ni Ria ang bitbit na cake saka hinipan ang dalawang kandila.

“Happy 18th birthday our gelatin. We love you,” ang maikling caption ni Sylvia sa kanyang IG video.