Baeby Baste nega sa COVID-19; Alden pinaglaway uli ang mga beki
NEGATIVE sa COVID-19 ang Eat Bulaga Dabarkads at child star na si Baeby Baste.
Sumailalim ang youngest host ng Kapuso noontime show sa rapid test at masaya nga niyang ibinahagi sa publiko ang naging resulta nito.
Ipinost ni Baste sa kanyang Instagram account ang good news matapos ikuwento ang pag-uwi niya at ng kanyang pamilya sa General Santos City.
Ayon kay Baste, ang pagsailalim nila sa rapid test ay kasama sa health protocol para payagan silang makabalik sa kanilang probinsya.
Talagang sinunod nila ang safety guidelines para sa mga tinatawag na LSI or locally stranded individuals na uuwi sa kani-kanilang mga probinsya.
Bukod sa COVID-19 test, kasalukuyan ding naka-home quarantine (sa loob ng 14 na araw) ang pamilya ng child star.
* * *
#FitnessGoals talaga kung maituturing si Asia’s Multimedia Star Alden Richards.
Sa latest Instagram post ng aktor, inulan ang comments section ng mga papuri dahil sa toned at fit niyang katawan. Talagang pinaglaway na naman niya ang kanyang fans lalo na ang mga beki na nagpapantasya sa kanya.
Sey ng isang netizen, “Hard work pays off,” dahil tuluy-tuloy ang mga workout at healthy diet ni Alden.
Sa isa pang Instagram post, paalala naman ng Centerstage host na “mindset is everything” para sa mga tulad niyang gustong maging fit at healthy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.