Lahat ng manlalaro ng tatlong PBA teams ng San Miguel Corporation (SMC) ay negatibo sa COVID-19.
Ito ang inanunsiyo ni SMC president at chief operating officer Ramon S. Ang.
Kabilang ang mga players at coaches ng San Miguel Beermen, Barangay Ginebra San Miguel at Magnolia Hotshots Pambansang Manok sa mahigit 70,000 tauhan ng SMC na sumailalim sa coronavirus testing bilang paghahanda sa pagbabalik operasyon ng kumpanya sa buong bansa.
“We are happy to report that all of our basketball players tested negative from the virus,” sabi ni Ang.
Bagaman batid ni Ang ang kahalagahan ng sports sa bansa ay prayoridad pa rin ng SMC ang kalusugan ng mga atleta at mga fans.
“We defer to the government’s wisdom and decision on when team-based leagues like the PBA will return especially if people’s lives are at stake. While we all miss the PBA, we need to first create a safe environment to limit the spread of the virus,” aniya.
“Our players and employees have nothing to be worried about as we have assured that they will continue to receive their salaries and health benefits. And we have constantly reminded our players as well as other employees to strictly follow health protocols during this time.”
Wala pang go-signal mula sa Inter-Agency Task Force (IATF) para sa pagbabalik ng team sports tulad ng basketball sa bansa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.