INARESTO kahapon si Antonio Luis Marquez alyas Angelo “Ador” Mawanay, ang lalaking nagsangkot kay Sen. Panfilo “Ping” Lacson sa kriminalidad noong ito ay hepe pa lamang ng Philippine National Police, sa Pasig City dahil sa kasong estafa.
Ayon sa Criminal Investigation and Detection Group (CIDG), dinakip si
Marquez, 47, sa kanyang bahay sa Chestnut st., Greenwood Subdivision alas-5:30 ng hapon Miyerkules.
Bitbit ng mga tauhan ng CIDG ang warrant of arrest na inisyu ni Judge Ma. Consejo Ignalaga, ng Antipolo City Regional Trial Court- 4th Judicial Region.
Inirekomenda ng huwes ang P40,000 piyansa para sa pansamantalang paglaya ni Marquez
Matatandaang isiniwalat ni Marquez na mayrong itinatagong daan-daang milyong dolyar sa mga bangko sa ibang bansa si Lacson na nakuha umano sa iligal na gawain noong ito pa ang hepe ng PNP.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.