MSMEs kailangan ng tulong para hindi magsara, magsibak ng empleyado

MALAKING tulong umano ang kailangan ng mga micro, small and medium enterprises (MSMEs) upang hindi magsara at magtanggal ng empleyado ang mga ito.

Ayon kay Bagong Henerasyon Rep. Bernadette Herrera maaaring bigyan ng gobyerno ng tax break at anim na buwang moratorium sa utang nito sa bangko at pautang para buhayin ang kanilang negosyo.

Umaabot sa 5.7 milyon ang nagtatrabaho sa MSMEs.

“We should make sure that MSMEs are given whatever support they need not only to keep their businesses afloat, but more importantly, to prevent people from losing their jobs as we face an unprecedented public health crisis,” ani Herrera.

Ayon sa datos ng Philippine Statistics Authority, noong 2018 ay 99.52 porsyento o 998,342 sa 1,003,111 negosyo sa bansa ang nasa ilalim ng MSMEs.

Ang nalalabing 4,769 or 0.48 porsyento ay mga large enterprises.

Sa naturang bilang 88.45 porsyento (887,272) ang micro enterprises, sinundan ng small enterprises (10.58 porsyento o 106,175) at ang medium enterprises ay 0.49 porsyento (4,895).

 “In 2018, these MSMEs collectively generated a total of 5,714,262 jobs or 63.19 percent of the country’s total employment,” ani Herrera. “This is why it is crucial for the government to extend more assistance to this sector.”

Ipinanukala ni Herrera ang P1 bilyong pautang sa ilalim ng Small Business Corp., ang financing arm ng Department of Trade and Industry para sa MSMEs.

 “Unfortunate that the COVID-19 pandemic leaves many small business owners and workers uncertain about their future.”

Maaari rin umanong magbigay ang gobyerno ng dalawang buwang wage subsidy para matulungan ang mga empleyado ng MSMEs.

“These measures would provide economic relief to small business owners and give them enough funds to pay for the salary of their employees who would otherwise have been laid off as a result of the crisis,” dagdag pa ng lady solon.