NANANATILING blangko ang pulisya sa pagkakakilanlan ng dalawang lalaki na natagpuang patay sa ibaba ng bangin sa Sitio Bogo, Brgy. Campo 4, Talisay, Cebu, ngayong umaga.
Naniniwala si Cpl. Marlon Fabian, desk officer ng Talisay City Police Station, na pinatay sa ibang lugar ang mga biktima at itinapon lang sa Campo 4 upang lituhin ang mga imbestigador.
Aniya, naispatan ng ilang residente ang dalawang sasakyan na huminto sa lugar alas-9:30 kagabi.
Bumaba umano ang dalawang lalaki sa mga sasakyan at nagtapon ng kung ano sa bangin bago bumalik sa kanilang mga kotse na dumiretso sa poblasyon.
Alas-5 ng umaga ngayong araw nang madiskubre ng mga residente ang dalawang bangkay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.