Boobay, Allan K namigay ng tulong sa frontliners, comedy bar staff
ISA ang Kapuso TV host-comedian sa mga hindi rin nagdamot ng tulong para sa mga nawalan ng trabaho dulot ng COVID-19 crisis sa bansa.
Patuloy ang pagkalap ngayon ng donasyon ni Boobay kasama ang ilang kaibigan para mas marami pa silang maipamigay ng relief goods sa mga nangangailangan.
Nitong mga nagdaang araw, nakapag-abot na ng tulong sina Boobay para sa mga frontliners at ilang staff at empleyado ng comedy bars.
Kasama niya ang kanyang mga kapwa komedyante sa ginagawang donation drive.
Iba’t ibang pakete ng biskwit, kape, at mga delata ang ni-repack ni Boobay kasama sina Pepita Curtis, AJ Tamiza, Nhoi Taleon at Yvona na kanila ngang ibinigay sa mga nawalan ng trabaho dahil sa pagpapatupad ng enhanced community quarantine.
Katuwang din nila sa kanilang relief efforts si Allan K.
“Para po sa mga minamahal nating #FRONTLINERS…. mabuhay po kayo! @allan_klownz @pepitacurtis @ajtamiza @nhoitaleon @bouncerdiva @ianred25,” ang caption ni Boobay sa kanyang Instagram post.
Ayon naman sa IG post ni Pepita, bibigyan din nila ng donasyon ang staff ng Klownz at Zirkoh.
* * *
Kasabay ng pagdiriwang ng Easter Sunday, bukod sa comedy, may pa-action pa ang favorite tambayan n’yo tuwing Linggo ng gabi, ang The Boobay And Tekla Show.
Kasama si Gabbi Garcia, tuloy ang paghahatid ng good vibes ng fun-tastic duo na sina Boobay and Tekla sa TBATS.
Si Gabbi ang makikisaya sa “Pranking in Tandem” segment sa TBATS. Magpapanggap siyang mag-aaral ng Muay Thai para sa kanyang pagbibidahang action series.
Triple the fun naman ang mapapanood sa “Feeling the Blank” segment dahil magsasama-sama sina Valeen Montenegro, Lovely Abella at Chariz Solomon para sagutin ang ilang provocative questions.
Nagbabalik muli this Sunday ang nakakatuwang segments na “TBATS on the Street” at “Dear Boobay and Tekla.”
Para naman sa Kapuso Mo, Jessica Soho parody, sundan ang kuwento ng magkapatid na Judith at Amor na makakadiskubre ng mga gintong barya.
Tuluy-tuloy ang laugh trip sa The Boobay and Tekla Show ngayong Linggo ng gabi pagkatapos ng Kapuso Mo, Jessica Soho.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.