Kris Aquino sa online dating: I feel I missed the boat

NAGPA-QUESTION and answer (Q&A) session si Kris Aquino sa kanyang mga followers sa Instagram.

Para kahit paano’y mawala ang inip at maka-bonding na rin ang kanyang supporters habang naka-stay at home sa isang beach house sa Puerto Galera, in-entertain niya ang ilang questions mula sa mga ito.

Isa sa mga tanong sa TV host-actress ay tungkol sa lovelife — kung single pa rin siya hanggang ngayon ay naiisip ba niyang subukan ang online dating. 

Alam naman ng lahat na matagal nang annulled na ang kasal niya sa PBA player na si James Yap at mula nga noon ay hindi na siya nagkaroon ng karelasyon.

Sagot ni Tetay sa tanong, “I feel I missed the boat, too old and too set in my ways.”

Ayon pa kay Kris, kahit nasa isang magandang lugar siya sa Puerto Galera kasama ang dalawang anak, araw-araw siyang inaatake ng kalungkutan lalo na kapag nababalitaan niyang patuloy na nadaragdagan ang nagkakasakit at namamatay dahil sa coronavirus 2019.

Pahayag ni Tetay, “How do you enjoy when you hear about friends falling ill and others dying?

“But I cannot show my children I am weak, I got very dizzy 2 nights ago because of my LOW BP and had the good sense to sit on the stairs- I called out to Bimb and he called everyone who was with us to help me back to bed,” pahayag pa ng Queen of All Media.

Isa pang netizen ang nagtanong kung may mga pinagsisisihan ba siyang desisyon sa kanyang buhay.

“I have ZERO reason to complain, we are comfortable, we have enough to share and my sons & I are together… I believe there was a reason for us to be here,” diretsong sagot ni Kris.