Jennifer Lopez napa-wow sa viral video ng Pinay dancer: Loveeeeee!
“NAPANSIN ako ni J-Lo!”
Yan ang sigaw ng isang Filipina dancer matapos makuha ang atensyon ng Hollywood singer-actress na si Jennifer Lopez.
Nag-viral ang dance video ni Marianne Tubil na kanyang ipinost sa Twitter habang naka-stay at home dahil sa enhanced community quarantine dulot ng COVID-19 pandemic.
Todo hataw si Marianne sa kanyang video gamit ang remix ng “Love Don’t Cost a Thing” na siya ring sinayaw ni JLo sa halftime show ng taunang Super Bowl sa Amerika together with Shakira and other international artists.
Na-shock ang Pinay dancer nang pinusuan ni Jennifer ang kanyang video at nag-comment pa ng, “Loveeeeee!”
Siyempre, ikaw ba naman ang mapansin ni J-Lo, di ba? Siguradong mas mai-inspire ngayon si Marianne at iba pang Filipino dancers na mas pagbutihin at karirin ang pagsasayaw dahil muli nilang napatunayan na pang-world class talaga ang talent ng lahing Pinoy.
Sa lahat ng nagtatanong, si Marianne Tubil ay member ng college dance group na UPeepz na ilang beses nang nakipag-compete sa iba’t ibang dance competitions.
Samantala, hindi ito ang unang pagkakataon na napa-wow si J-Lo sa talento ng mga Pinoy sa pagsasayaw. Kung matatandaan pinusuan din niya ang video ng isang grupo from Cebu dahil sa kanilang viral #JLoTikTokChallenge.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.